Будзьма беларусамі (мультфільм)
Будзьма беларусамі | |
Кадр з мультфільму | |
Тып мультфільму | анімацыйны фільм |
---|---|
Рэжысэр | Юлія Рудзіцкая |
Аўтар сцэнару | Лявон Вольскі |
Ролі агучвалі | Аляксандар Памідораў, Лявон Вольскі |
Кампазытар | Лявон Вольскі |
Аніматары | Юлія Рудзіцкая |
Краіна | Беларусь |
Прэм’ера | 28 траўня 2011 |
Будзьма беларусамі — першы прафэсійна зроблены анімацыйны фільм беларускай мовай, прысьвечаны гісторыі Беларусі ад «пачатку часоў» да 1991 году. Мультфільм зьяўляецца прадуктам супольнага праекту «БудзьмаTUT», культуралягічнай кампаніі «Будзьма беларусамі!» і інтэрнэт-парталу «TUT.BY». Аўтар ідэі твора — Юлія Ляшкевіч, мастак-аніматар — Юлія Рудніцкая, аўтар тэксту — Лявон Вольскі, вакал — Аляксандар Памідораў.
Афіцыйна абвешчаная мэта праекту — зацікавіць шырокае кола гледачоў гісторыяй і культурай беларускага народу. З мэтай асучасваньня матэрыялу, гукавы рад мультфільму выкананы ў форме чытаньня рэпу, тэкст якога апісвае асноўныя падзеі ў гісторыі беларускай дзяржаўнасьці і беларусаў.
Пасьля афіцыйнага выхаду 28 траўня 2011 году за некалькі дзён мультфільм стаў найбольш прагляданым відэа ў беларускім сэгмэнце Інтэрнэту, а таксама ўвайшоў у дзясятку рэйтынгу сайта YouTube.