Блакітны колер

Блакітны (цыян, сіне-зялёны) — каляровы дыяпазон паміж зялёным і сінім, з даўжынёй хвалі прыкладна ад 485 да 500 нанамэтраў. У беларускай мове традыцыйна блакітным завецца колер, бліжэйшы да сіняга, а таксама разьведзены, бляклы сіні колер. Блакітным або цыянавым таксама завуць адзін з трох колераў сыстэмы CMYK (па-анґельску: Cyan).

Блакітныя прыродныя фарбавальнікі і пігмэнты

• Біруза (мае зеленавата-блакітныя адценьні)
• Лазурыт служыў у старажытнасьці адным зь нешматлікіх вядомых сініх пігмэнтаў, таму быў вельмі дарагі (асноўная крыніца — Індыя)

Блакітнае неба і фізыка зроку

• Блакітным выглядае неба. На самай справе неба выпускае (дакладней, расьсейвае) прамяні ўсіх бачных колераў, але ступень расьсейваньня зваротна прапарцыйная даўжыні хвалі у 4-й ступені, г. зн. у бачным дыяпазоне максымальная для фіялетавых, сініх і блакітных прамянёў. Для вока такая сумесь здаецца блакітнай.

Паліграфія

• У сыстэме CMYK адзін з чатырох асноўных колераў завецца блакітным — хоць у рэчаіснасьці гэты стандартызаваны колер варта зваць хутчэй сіне-зялёным(en).

Назвы блакітных адценьняў

• Бірузовы
• Валошкавы
• Нябесны
• Перванш, колер

У культуры і этнаграфіі

• Блакітны шчанюк

Іншыя літаратурна-культурныя асацыяцыі

• Блакітны — колер мары і ідэальнасьці. Адгэтуль паняцьці «блакітная мара» (гэта значыць выдатная і цяжкадасягальная).
• Матэрыяльным «увасабленьнем» блакітнага колеру лічыцца камень тапаз.
• Блакітны — гомасэксуальны мужчына на жаргоне.