Беларуская краёвая народная рада
Беларуская краёвая народная рада — фіктыўны прадстаўнічы орган, выбраны на г. зв. Беларускім краёвым зьезьдзе (студзень 1919 р.). Інсцэнаваны ўрадам Польшчы, які прэтэндаваў на беларускія землі і не хацеў, каб дэлегацыя БНР брала ўдзел у Парыскай мірнай канфэрэнцыі. «Прэзыдэнт» рады Казімер Цьвірка-Гадыцкі, «сябра» — А. Янсан. 23 сакавіка 1919 року яны накіравалі міністру-прэзыдэнту Польшчы ліст, у якім прасілі зрабіць адпаведныя крокі «ў кірунку ўстанаўленьня супольнага палітычнага жыцьця беларускага народа з Польшчай».
Літаратура
[рэдагаваць | рэдагаваць крыніцу]- Сідарэвіч, А. М. Беларуская краёвая народная рада // Энцыклапедыя гісторыі Беларусі. У 6 т. / Беларус. Энцыкл.; Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн.: БелЭн, 1993. — Т. 1: А — Беліца. — 494 с. — ISBN 5-85700-074-2 — С. 375.