Арон Юдэльсон

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Арон Юдэльсон
Асабістыя зьвесткі
Нарадзіўся 17 ліпеня 1907(1907-07-17)
Рыга, Расейская імпэрыя
Памёр 29 кастрычніка 1937(1937-10-29) (30 гадоў)
Менск, СССР
Літаратурная дзейнасьць
Род дзейнасьці паэт

Арон Язэпавіч Юдэльсон (17 ліпеня 1907, Рыга — 29 кастрычніка 1937, Менск) — габрэйскі паэт і публіцыст.

Жыцьцяпіс[рэдагаваць | рэдагаваць крыніцу]

Арон Язэпавіч Юдэльсон нарадзіўся ў Рызе ў настаўніцкай сям’і.

Пачаў публікавацца ў 1923 годзе ў нелегальным друку Латвіі. Да 1928 году жыў у Латгаліі (ўсходняй частцы сучаснай Латвіі), потым пераехаў у Беларусь.

З 1929 году выступаў у габрэйскім друку Беларусі. Лічыцца, што лепшыя свае творы стварыў у раньні латгальскі пэрыяд творчасьці, калі натуральныя пачуцьці яшчэ не былі дэфармаваныя клясавай ідэалёгіяй. Працаваў у рэдакцыі габрэйскай газэты «Акцябэр», на радыё. З 1935 году часта публікаваўся ў часопісе «Штэрн». Сябра Саюза пісьменьнікаў Беларусі з 1934 году. У 1935 годзе быў абраны сакратаром габрэйскай сэкцыі Саюза пісьменьнікаў.

11 верасьня 1937 году Арон Юдэльсон быў арыштаваны і 28 кастрычніка асуджаны да расстрэлу па абвінавачваньні ва ўдзеле ў «трацкісцкай арганізацыі і падрыхтоўцы тэрарыстычнага акту» (арт. 70, 76 КК БССР). Расстраляны ў ноч 29-30 кастрычніка 1937 году.

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]