Арарат-Армэнія Ерэван
| Арарат-Армэнія | |
 | |
| Поўная назва | Ֆուտբոլային Ակումբ Արարատ-Արմենիա |
|---|---|
| Заснаваны | 2017 |
| Горад | Ерэван, Армэнія |
| Стадыён | Рэспубліканскі стадыён імя Вазгена Саркісяна Умяшчальнасьць: 14 403 |
| Кіраўнік | Самвэл Карапэцян[d] |
| Галоўны трэнэр | |
| Чэмпіянат | Прэм’ер-ліга |
| · 2025—2026 | 1 месца |
| Афіцыйны сайт | |
«Арара́т-Армэ́нія» — армянскі футбольны клюб з гораду Ерэвану. Заснаваны ў 2017 годзе. Трохразовы чэмпіён Армэніі (2019, 2020, 2026) і ўладальнік Кубка Армэніі (2024).
Гісторыя
[рэдагаваць | рэдагаваць код]Клюб быў заснаваны ў 2017 годзе як акадэмія «Аван» Рубэнам Айрапэцянам. Склад каманды базаваўся на маладых выпускніках Ерэванскай футбольнай акадэміі, а таксама многіх юных гульцоў зь «Пюніку»[2]. Дэбютны матч клюбу адбыўся ў ліпені 2017 году супраць «Эрэбуні». Таварыскі матч завяршыўся перамогай «Авану» зь лікам 3:1. На пачатку 2018 году клюб быў перададзены расейска-армянскаму бізнэсоўцу Самвэлу Карапэцяну, які перайменаваў яго ў «Арарат-Масква». Клюб быў рэарганізаваны адразу пасьля таго, як расейскі клюб «Арарат» не прайшоў сэртыфікацыю[3]. Артак Асэян трэнаваў клюб, калі той выступаў у Першай лізе 2017—2018 гадоў[4].
Пасьля павышэньня ў Прэм’ер-лігу клюб зноў зьмяніў свой назоў на «Арарат-Армэнія». 2 жніўня 2018 году беларускі трэнэр Вадзім Скрыпчанка быў прызначаны новым галоўным трэнэрам каманды, але адмысловец ужо 25 верасьня 2018 году быў звольнены. 30 траўня 2019 году «Арарат-Армэнія» перамог «Бананц» зь лікам 1:0, у выніку чаго аформіў перамогу ў армянскім чэмпіянаце[5]. Гэты трыюмф адкрыў шлях да Лігі чэмпіёнаў УЭФА. 14 ліпеня 2020 году «Арарат-Армэнія» абараніў тытул чэмпіёна краіны. Не зважаючы на такі посьпех, 17 ліпеня 2020 году галоўны трэнэр Вардан Мінасян сышоў з клюбу пасьля заканчэньня кантракту. 22 ліпеня 2020 году клюб абвесьціў аб прызначэньні гішпанца Давіда Кампаньню на пасаду галоўнага трэнэра. 5 сакавіка 2021 году і гэты трэнэр пакінуў сваю пасаду на ўзаемную згоду, пасьля чаго пэўны час кіраваў камандай Армэн Адамян. 24 сакавіка 2021 году «Арарат-Армэнія» прызначыў Анатоля Байдачнага новым галоўным трэнэрам. Байдачны пакінуў ерэванцаў праз два з паловай месяцы, 8 чэрвеня 2021 году, на ўзаемную згоду бакоў.
Крыніцы
[рэдагаваць | рэдагаваць код]- ↑ https://www.transfermarkt.com/fc-ararat-armenia/mitarbeiterhistorie/verein/53453
- ↑ Armsport: FC Avan Academy Архіўная копія ад 29.07.2018 г.
- ↑ Gor Malakyan left Feniks and returned to his home country. Sport Arena.
- ↑ Հայտնի է Հայաստանի Առաջին խմբի առաջնության խաղացանկը – Սպորտային լուրեր | 2017–18 Armenian First League matches. armsport.am. Архіўная копія ад 26.07.2017 г.
- ↑ Արարատ-Արմենիան դարձավ Հայաստանի չեմպիոն (VIDEO). Arm Football (30.05.2019). Архіўная копія ад 09.09.2019 г.