Анатоль Бардовіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Анатоль Бардовіч
Нарадзіўся 3 студзеня 1928(1928-01-03) (91 год)
в. Малыя Навасёлкі, Койданаўскі раён Менская акруга, БССР
Навуковая сфэра мовазнаўства
Месца працы Нясьвіскае пэдвучылішча
Альма-матэр Менскі пэдінстытут імя А. М. Горкага
Навуковая ступень кандыдат філялягічных навук
Вядомы як суаўтар слоўнікаў
Узнагароды і прэміі «Выдатнік народнай асьветы»

Анатоль Майсеевіч Бардовіч (3 студзеня 1928, в. Малыя Навасёлкі, Койданаўскі раён Менская акруга, БССР) — мовазнавец. Кандыдат філялягічных навук (1958). Прафэсар (1992). Заслужаны работнік вышэйшай школы БССР (1982).

Біяграфія[рэдагаваць | рэдагаваць крыніцу]

У 1935 г. сям’ю Бардовічаў выслалі як спецперасяленцаў у Комі АССР. У 1945 г. закончыў Сыктыўкарскае пэдвучылішча, у 1951 г. — Менскі пэдінстытут імя А. М. Горкага, у 1956 г. — асьпірантуру пры ім. З 1945 г. працаваў настаўнікам. У 1951—1953 гг. выкладчык рускай мовы і літаратуры, завуч Нясьвіскага пэдвучылішча. 3 1957 г. старшы выкладчык, дацэнт, у 1965—1974 гг. загадчык катэдры агульнай і рускай мовы, з 1974 г. намесьнік дэкана, з 1978 г. дэкан філялягічнага факультэта, пасьля яго разьдзяленьня ў 1993 г. — дэкан факультэта рускай філялёгіі, у 2001 г. саветнік рэктара па гуманітарных пытаньнях, з 2002 г. прафэсар катэдры сучаснай рускай мовы Менскага пэдагагічнага унівэрсытэта імя Максіма Танка. Аўтар падручнікаў па рускай мове для 6—7-х і 8—9-х клясаў, вучэбных дапаможнікаў па рускай мове. У сааўтарстве выдаў «Марфэмны слоўнік беларускай мовы», «Словаўтваральны слоўнік беларускай мовы», «Школьны марфэмны слоўнік беларускай мовы». Узнагароджаны знакам «Выдатнік народнай асьветы».

Літаратура[рэдагаваць | рэдагаваць крыніцу]

Бардовіч Анатоль Майсеевіч. // Памяць. Гісторыка-дакументальная хроніка Дзяржынскага раёна. Мінск. 2004. С. 604.