Амэрыканскі жыгала
| Амэрыканскі жыгала | |
| American Gigolo | |
 | |
| Жанр | мэлядрама |
|---|---|
| Рэжысэр | Пол Шрадэр |
| Сцэнарыст | |
| Прадусар | |
| У ролях | Рычард Гір, Ларэн Гатан, Гэктар Элізонда, Ніна ван Палянт, Біл Д’юк |
| Кампазытар | |
| Апэратар | |
| Мантаж | Рычард Галсі[d] |
| Мастак | Фэрдынанда Скарф’ёцьці[d] |
| Вытворчасьць | Paramount Pictures |
| Распаўсюд | Paramount Pictures і Netflix |
| Дата выхаду | 8 лютага 1980 |
| Працягласьць | 117 хвілінаў |
| Краіна | ЗША |
| Мова | ангельская |
| Бюджэт | $ 4 800 000 |
| Прыбытак | $ 22 743 674[2] |
| Старонка на IMDb | |
«Амэрыканскі жыгала» (па-ангельску: American Gigolo) — амэрыканская крымінальная мэлядрама 1980 году з Рычардам Гірам у галоўнай ролі.
Сюжэт
[рэдагаваць | рэдагаваць крыніцу]Джуліян Кей — жыгала, ягоны бізнэс рабіць задавальненьне жанчынам. Ён жыве на шырокую нагу: з густам апранаецца і мае шыкоўную машыну. Падчас адной з сустрэчаў ён знаёміцца зь Мішэль Стратан, жонкай палітыка. Мішэль нешчасьлівая ў шлюбе. Яна паступова захапляецца Джуліянам і яны пачынаюць рэгулярна сустракацца.
Адну з кліентак Джуліяна забіваюць. У ноч забойства ён быў зь іншай жанчынай Лізай Ўільямз, якая ня хоча прадастаўляць яму алібі, баючыся на сваю рэпутацыю. Сытуацыя становіцца ўсё больш горшай, Джуліян разумее, што яго хочуць падставіць. Вышукнік Сандэй падчас допыту дае зразумець, што Джуліян асноўны падазраваны. Пасьля таго як хтосьці падкінуў яму доказы ў ягоны дом, Джуліян вымушаны схавацца ад паліцыі. Ён прыходзіць да свайго сутэнэра Леона, але той адмаўляе яму ў дапамозе. Падчас сваркі Леон выпадае з балькону, аднак Джуліян спрабаваў яму дапамагчы.
У рэшце рэшт, Джуліян здаецца паліцыі. Нечакана Мішэль, згаджаецца даць Джуліяну алібі, сказаўшы, што, нібыта, ён быў зь ёй у ноч забойства. Мішэль прызнаецца, што бяз розуму закаханая ў Джуліяна і гатовая на ўсё, нават на ганьбу. Джуліян ўпрошвае яе забыцца на яго. Фінал карціны адкрыты: за дзьвярыма паліцэйскага ўчастка Мішэль чакае натоўп рэпартэраў, і яна ня ведае, куды ёй ісьці.
У ролях
[рэдагаваць | рэдагаваць крыніцу]- Рычард Гір — Джуліян Кей
- Ларэн Гатан — Мішэль Стратан
- Гэктар Элізонда — вышукнік Сандэй
- Ніна ван Палянт — Эн
- Біл Д’юк — Леон
Намінацыі
[рэдагаваць | рэдагаваць крыніцу]У 1981 годзе фільм быў намінаваны на атрыманьне прэміі «Залаты глёбус» у дзьвюх катэгорыях:
- Найлепшая арыгінальная музыка — Джорджа Мародэр
- Найлепшая арыгінальная песьня («Call Me») — Дэбі Гары, Джорджа Мародэр
Крыніцы
[рэдагаваць | рэдагаваць крыніцу]- ^ а б http://www.filmtett.ro/film/2186/amerikai-dzsigolo
- ^ Box Office Mojo. 2010. American Gigolo (1980). IMDb.com, Inc.
Вонкавыя спасылкі
[рэдагаваць | рэдагаваць крыніцу]- Амэрыканскі жыгала на сайце Internet Movie Database (анг.)
- Амэрыканскі жыгала на сайце AllMovie (анг.)
- Амэрыканскі жыгала на сайце Rotten Tomatoes (анг.)