Аляксей Гурло

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Аляксей Гурло
Дата нараджэньня 1894
Месца нараджэньня Капыль, Слуцкі павет, Менская губэрня, Расейская імпэрыя
Дата сьмерці 1960
Грамадзянства Беларусь
Месца вучобы рабочы факультэт БДУ і БДУ
Узнагароды
мэдаль «За баявыя заслугі» мэдаль „За абарону Масквы“ мэдаль «За вызваленьне Варшавы» мэдаль «За ўзяцьце Бэрліну» мэдаль «За перамогу над Нямеччынай у Вялікай Айчыннай вайне 1941—1945 гг.»

Аляксе́й Васілё́нак Гурло́ (1894, Капыль — 1960) — дырэктар БДІНГ у 1933—1935.

Зь сялянаў. Ад 1913 працаваў паштальёнам. У 1922 паступіў на рабфак пры БДУ, а пасьля яго сканчэньня — у БДУ, які скончыў у 1929. Пасьля сканчэньня ўнівэрсытэту быў прызначаны дэканам рабфака і адначасова вучыўся на завочным аддзяленьні асьпірантуры Акадэміі навук. Напачатку 1933 быў прызначаны першым дырэктарам створанага Інстытуту народнае гаспадаркі пры Дзяржпляне БССР.

Увосень 1935 выключаны з ВКП(б), чальцом якой зьяўляўся з 1919. 13 лістапада 1935 быў арыштаваны і 14 траўня 1936 адмысловай нарадай пры НКУС СССР асуджаны за махлярства на тры гады пазбаўленьня волі. Пакараньне адбыў у Комі ССР. Вызвалены зь месцаў зьняволеньня ў студзені 1939.

У 19391941 працаваў у Магілёўскай абласной плянавай камісіі.

У 1941 быў мабілізаваны ў шэрагі Чырвонае Арміі, дзе праходзіў службу да верасьня 1945. Узнагароджаны мэдалямі: «За баявыя заслугі», «За абарону Масквы», «За вызваленьне Варшавы», «За ўзяцьце Бэрліна», «За Перамогу над Нямеччынай у Вялікай Айчыннай вайне».

Пасьля дэмабілізацыі працаваў памагатым старшыні Магілёўскага аблвыканкама, з 1947 — начальнікам аддзела Магілёўскага аблспажыўсаюзу. 23 лістапада 1956 судовай калегіяй Вярхоўнага Суду БССР пастанова адмысловай нарады пры НКУС СССР ад 14 траўня 1936 адносна Гурло была скасаваная, і справа спыненая за адсутнасьцю ў ягоных дзеяньнях складу злачынства.

Вонкавыя спасылкі[рэдагаваць | рэдагаваць крыніцу]