Аляксандра Пятрова

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Аляксандра Пятрова
Дата нараджэньня 18 верасьня 1980
Месца нараджэньня Чэбаксары
Дата сьмерці 17 верасьня 2000

Аляксандра Валер'еўна Пятрова (18 верасьня 1980, Чэбаксары17 верасьня 2000, тамака жа) — мадэль, пераможца конкурсу Міс Расея-1996 і іншых конкурсаў прыгажосьці. Трагічна загінула.

У 1996 годзе фінал нацыянальнага конкурсу «Міс Расея» трансляваўся на канале «Расея» ў прамым этэры 14 сьнежня. Упершыню ён праходзіў па-за сталіцай — у Вялікім Ноўгарадзе. З 40 удзельніц — пераможцаў рэгіянальных тураў, лепшай была прызнаная 16-летняя Саша Пятрова з горада Чэбаксары.

У 1997 годзе яна прымала ўдзел у шматлікіх тэлеперадачах, шоў-праграмах, прэзэнтацыях, сур'ёзна працавала ў якасьці фотамадэлі. За год Саша пабывала ў шматлікіх краінах сьвету, прыняла ўдзел у трох міжнародных конкурсах. Да званьня «Міс Расея» яна дадала залаты мэдаль Сусьветнага чэмпіянату па мастацтвах у намінацыі «мадэль», атрымала прапанову аб працы ў Галівудзе.

У ліпені 1997 году Аляксандра Пятрова была прызнаная лепшай на міжнародным мадэльным конкурсе «Міс Модэл Інтэрнэшнл», у якім прымалі ўдзел прадстаўніцы 53 краін.

У канцы 1997 году ў Чувашыі, на радзіме Аляксандры, быў праведзены конкурс «Чалавек году». Аляксандра Пятрова перамагла і тут, пакінуўшы ззаду такіх канкурэнтаў, як прэзыдэнт Чуваскай рэспублікі і мэр горада Чэбаксары.

У 1999 годзе ўдзельнічала ў конкурсе Міс Сусьвет.

Нягледзячы на разнастайныя і павабныя запрашэньні замежных агенцтваў, яна засталася ў роднай Чувашыі.

17 верасьня 2000 Аляксандра была забітая ў Чэбаксарах адным стрэлам у галаву, не дажыўшы да 20-годзьдзя аднаго дня. Разам зь ёй былі застрэленыя двое прадпрымальнікаў, на кватэры аднаго зь якіх яна знаходзілася.