Іван Кудраўцаў

	Іван Кудраўцаў
Асабістыя зьвесткі
Нарадзіўся	28 чэрвеня 1922 або 1922; Сіцянец, Салігорскі раён, Менская вобласьць;
Памёр	23 траўня 2004 або 2004
Літаратурная дзейнасьць
Род дзейнасьці	пісьменьнік, празаік, літаратурны крытык
Мова	беларуская мова
Узнагароды

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Кудраўцаў.

Іван Кудраўцаў (28 чэрвеня 1922, в. Сыцянец, Салігорскі раён - 23 траўня 2004) - беларускі пісьменьнік, кандыдат філялягічных навук. Сябар СП СССР з 1950 году.

Жыцьцяпіс

Нарадзіўся ў сялянскай сям’і. Бацькі з 1929 году - калгасьнікі. У 1939 годзе скончыў Старобінскую школу і паступіў на філяляагічны факультэт БДУ. У час Вялікай Айчыннай вайны эвакуіраваўся ў Мардоўскую АССР. Працаваў настаўнікам (1941-1942). У лютым 1942 году мабілізаваны ў Чырвоную армію, удзельнічаў у баях на Заходнім, Варонескім, 1-м і 2-м Прыбалтыйскіх і Ленінградзкіх франтах (1942-1945). За ўдзел у баявых дзеяньнях супраць узнагароджаны Ордэнам Айчыннай вайны 2-й ступені і мэдалямі.

Пасьля дэмабілізацыі ў лістападе 1945 году вярнуўся на вучобу ў БДУ, які скончыў у 1948 годзе. Паступіў у асьпірантуру пры БДУ, У 1954 годзе абараніў кандыдацкую дысэртацыю па творчасьці К. Чорнага. Працаваў літаратурным супрацоўнікам, загадчыкам аддзелу рэдакцыі газэты "Літаратура і мастацтва“ (1947-1955), адказным сакратаром часопіса "Беларусь" (1955 - 1965), старшым навуковым супрацоўнікам інстытуту пэдагогікі Міністэрства асьветы БССР (1965-1970), загадчыкам літаратурнай часткі Белдзяржфілярмоніі (1971-1974), старэйшым навуковым супрацоўнікам Інстытуту мастацтвазнаўства, этнаграфіі і фальклору АН БССР (1974 - 1988), з 1988 году на пэнсіі.

Творчасьць

Друкавацца пачаў у 1947 годзе з рэцэнзіяў пад іменем Д. Кавалёва. Суаўтар школьных падручнікаў па беларускай літаратуры, пісаў рэцэнзіі і артыкулы. Аўтар манаграфіі “Кузьма Чорны: Ідэі і вобразы ў творчасьці” (1956), літаратуразнаўчага нарысу “Кузьма Чорны: Жыцьцё і творчасьць” (1968), склаў з У. Агілевічам падручнікі “Кніга для чытаньня ў 2 клясе школ рабочай і сельскай моладзі” (1952), падручнікі “Кніга для чытаньня ў 3 клясе школ рабочай і сельскай моладзі” (1952).

У 1984 годзе быў надрукаваны раман "Разгневаная зямля" аб падзеях Вялікай Айчыннай вайны ў савецкай інтэрпрэтацыі, аб цяжкіх выпрабаваньнях, якія выпалі на долю народ і несьмяротным подзьвігу савецкага народу. Твор прысьвечаны Менску і менскім падпольшчыкам.

Працаваў над перакладам 18-га тому Збору твораў Леніна (1950). У жніўні 1995 году даслаў у газэту "Шахцёр" ліст і ўрыўкі з новага раману "Грымотнымі шляхамі”.

Крыніцы

^ ^а ^б ^в Kudraŭcaŭ, Ìvan Fedaravìč // Нацыянальная служба Чэскай рэспублікі

Вонкавыя спасылкі

Кудраўцаў Іван Фёдаравіч, сайт Старобінскай сельскай школы
Кудраўцаў Іван, сайт Літаратурная Салігоршчына
Разгневаная зямля

[_3f1fb83a62e1d5bc-1] а ^б ^в Kudraŭcaŭ, Ìvan Fedaravìč // Нацыянальная служба Чэскай рэспублікі

[1]