Прагляд крыніцы для Тэхніка

'''Тэ́хніка''' ({{мова-grc|τεχνικός}} ад {{Мова-grc|τέχνη}} — [[мастацтва]], майстэрства) — сукупнасьць сродкаў чалавечай дзейнасьці, створаных для ажыцьцяўленьня працэсаў вытворчасьці і абслугоўваньня невытворчых патрэбаў [[грамадзтва]].

Таксама азначае навыкі і прыёмы ў нейкім відзе дзейнасьці — тэхніка шахматнай гульні, тэхніка танца, тэхніка ігры на фартэпіяна і падобнае.

У тэхніцы матэрыялізаваныя [[веды]] і вытворчы досьвед, набытыя чалавецтвам у працэсе разьвіцьця. Тэхніка аблягчае працоўныя намаганьні чалавека і павышае іх эфэктыўнасьць, дае магчымасьць пераўтвараць [[Прырода|прыроду]]. Па меры разьвіцьця тэхніка замяняе чалавека ў выкананьні [[Тэхналёгія|тэхналягічных]] функцый, зьвязаных зь фізычнай і разумовай [[праца]]й. Тэхніка ўдзейнічае на прадметы працы пры стварэньні матэрыяльных і культурных даброт; выкарыстоўваецца для атрыманьня, перадачы і ператварэньня [[Энэргія|энэргіі]]; дасьледаваньня законаў разьвіцьця прыроды і грамадзтва; перамяшчэньня і сувязі; збору, зьбераганьня і перадачы інфармацыі; кіраваньня грамадзтвам; бытавога абслугоўваньня; вядзеньня вайны і забесьпячэньня абароны.

Агульнапрынятай клясыфікацыі тэхнікі няма. Паводле функцыянальнага прызначэньня адрозьніваюць тэхніку вытворчую, бытавую, навуковых дасьледаваньняў, адукацыі і культуры, ваенную, мэдыцынскую і іншую. Асноўную частку тэхнічных сродкаў складае вытворчая тэхніка, да якой належаць машыны, мэханізмы, інструмэнты, апаратура кіраваньня [[машына]]мі і тэхналягічнымі працэсамі, вытворчыя будынкі і збудаваньні, [[Чыгунка|чыгункі]], [[Мост|масты]], рухомы састаў, сродкі камунікацыі, [[Сувязь (тэхніка)|сувязі]]. Паводле галіновай структуры вытворчасьці адрозьніваюць тэхніку прамысловасьці, транспарту, сельскай гаспадаркі; паводле прыналежнасьці да асобных структурных падразьдзяленьняў вытворчасьці — авіяцыйную, мэліярацыйную, энэргетычную; паводле прыроднай асновы асобных галін тэхнікі — атамную, халадзільную, [[Кампутар|вылічальную]] й іншае.

== Літаратура ==
* ''Пархоменка А. А.'', «Тэхніка» // Беларуская Савецкая Энцыклапедыя. У 12 т. Т.10. Сошна — Фут / Беларуская Савецкая Энцыклапедыя; Рэдкал.: П. У. Броўка (гал. рэд.) і інш. — Мн.: Бел. Сав. Эн., 1974. — 656 с.: іл., карты. С.405-406.

== Вонкавыя спасылкі ==
* {{Commons}}

{{ВП-парталы|Тэхніка}}

[[Катэгорыя:Тэхніка| ]]