Прагляд крыніцы для Табака

'''Таба́ка''' альбо '''ню́хальны [[Тытунь|тыту́нь]]''' ({{мова-en|snuff}}) — [[тытунь]] бяздымнага спосабу ўжываньня. Уяўляе сабой раздроблены да стану буйной пудры тытунёвы ліст, высушаны на [[агонь|агні]] і [[пастэрызацыя|пастэрызаваны]]. Бывае розных відаў: для нюханьня і для жаваньня.

== Вытворчасьць ==

Вырабляецца зь лістоў і сьцябла тытуню, якія мелюць у буйную пудру. У старажытныя часы існавалі маленькія ручныя млынкі для прыгатаваньня табакі ў хатніх умовах. Парашок доўгі час сушаць, а потым араматызуюць. Палітра араматаў на сёньня проста вялізная — ад [[пэрсік]]а і [[апэльсын]]а, да [[ваніль|ванілі]], [[бэргамот]]у і [[лаванда|лаванды]], [[язьмін]]у, [[лімон]]у, [[мёд]]у, [[сандалавае дрэва|сандалавага дрэва]]. У [[Менск]]у можна набыць табаку зь [[вішня]]ю, [[абрыкос]]ам, [[эўкаліпт]]ам, [[маліна]]ю і іншымі. Араматызаваная табака пакуецца ў вакуўмныя каробачкі для захаваньня смаку й патрэбнага ўзроўню [[вільготнасьць|вільготнасьці]].

== Гісторыя ==

Найбольшую папулярнасьць табака набыла ў [[18 стагодзьдзе|18 стагодзьдзі]]. Каралеўскія дамы і хаткі [[Эўропа|Эўропы]], а таксама вышэйшая шляхта з задавальненьнем аддавалася новай забаве. Кароль [[Людовік XIII]], які ўпадабаў табаку, скасаваў у [[Францыя|Францыі]] на яе ўсе забароны, а жонку іншага караля — [[Гэорг III|Гэорга III]] — нават празвалі ''Snuffy Charlotte'' (Шарлёта-табанюшка). Пасьля [[Француская рэвалюцыя|Францускай рэвалюцыі]] табака стала даступнай і звычайным абываталям, якія з энтузіязмам перанялі гэтую звычку ў шляхты.

У той самы час [[ЗША|амэрыканскія]] [[каўбой|каўбоі]] таксама прасоўвалі табаку ў масы — нюхаць было зручней, чым распальваць цыгару ці цыгарэту, седзячы на кані. Па той самай прычыне «ня маючы магчымасьці паліць тытунь з камфортам у часе хуткай язды» табаку сталі нюхаць многія аўтааматары [[Вялікая Брытанія|Вялікай Брытаніі]]. Гэтыя спадары ў [[1912]] году адчынілі нават «Клюб табакі». Як лічылі яны, табака — «гэта яшчэ й цудоўны сродак для ачышчэньня носу ад дарожнага пылу».

== Здароўе ==

Выгоды і прыемнасьці ад табакі, штопраўда, могуць нэгатыўна адбіцца на здароўі.

Навукоўцы сьцьвярджаюць, што табака амаль не павышае рызыку [[інсульт]]у (на 5% больш выпадкаў, чым у тых, хто ніколі яе не ўжываў), у той час, як [[цыгарэты]] павышаюць такую рызыку на 121% (у 2,21 разы). Рызыка ад паленьня цыгарэт увасабляецца ў страту прыблізна 8 гадоў жыцьця, а табакі — толькі 0,04 гады (14,6 дзён) (высновы тых самых навукоўцаў). Пры спажываньні табакі няма гарэньня, значыць, і няма спажываньня смолаў, якія нясуць асноўную шкоду арганізму.

Праціўнікі табакі кажуць пра непрыемны пах з роту, налёт на зубах, рак сьлізістай абалонкі рота й горла, залежнасьць ад [[нікатын]]у, [[парадантоз]]... Акрамя таго дасьледчыкі знайшлі ў табацы шмат [[натрый|натрыю]], які павышае [[крывяны ціск]], а адзін швэдзкі доктар (Боліндэр) устанавіў, што тыя, хто нюхае табаку, у 3 разы часьцей пакутуюць ад [[гіпэртанія|гіпэртаніі]].

У цэлым лічыцца, што табака нясе куды менш шкоды арганізму, гэта больш бясьпечная альтэрнатыва цыгарэтам. Між іншым, табака, якая таксама ўтрымлівае нікатын, можа быць даволі карысным крокам на шляху да таго, каб спачатку кінуць паліць, а потым і зусім разьвітацца зь нікатынам.

== Тусоўкі нюхачоў ==

Самая ажыўленая тусоўка snuff’эраў разьмяшчаецца па адрасе [http://community.livejournal.com/snuff_by "Зборышча нюхачоў"]. Суполка стала ладзяціць г. зв. 'снаф-сэйшны'. Удзел вольны. Трымайцеся кантакту!

== Глядзіце таксама ==
*  [[Тытунь]]

[[Катэгорыя:Тытунь]]