Мацей Франкевіч

Мацей Франкевіч (Матвей) (нар. 14 сьнежня 1958 у Познані, пам. 16 чэрвеня 2009 у Сьрэме) – палітык, дзеяч самакіраваньня і спорту, з 1999 да 2002 віцэ-прэзыдэнт Познаня, з 2002 да сьмерці заступнік прэзыдэнта Познаня. З 2007 году быў кіраўніком Гурта Познань EURO 2012, які займаецца падрыхтоўкай Познаня да арганізацыі Чэмпіянату Эўропы па футболу.

Вучыўся ў Познаньскай Палітэхніцы, сябра і заснавальнік палітэхнічнай філіі НЗС (Незалежнага Зьвязу Студэнтаў). Добраахвотна далучыўся да лагеру інтэрнаваных, у межах салідарнасьці з рэпрэсыяванымі(1982). Арганізатар спартыўных мерапрыемстваў. Дзеяч Змагарнай Салідарнасьці і Партыі Свабоды. За пашкоджаньне кансуляту СССР у Познані быў засуджаны да пакараньня. Быў два разы інтэрнаваны, тры разы арыштаваны, і шматкроць затрыманы за палітычную дзейнасьць. Кіраваў падземнай выдавецкай справай - заснаваў выдавецтва "WiS". Таксама выступаў фундатарам і арганізатарам бясплатных вакацый для дзяцей з бедных сем'яў.

У чэрвені 2007, з рук прэзыдэнта Леха Качыньскага, атрымаў Афіцэрскі Крыж Ордэру Адраджэньня Польшчы, за заслугі ў змаганьні за незалежнасьць Польшчы і дэмакратыю.

Плывец, ныральнік і парашутыст, аматар коней і традыцыі польскай язды. Апантаны кавалерыст, удзельнічаў у пастаноўках памятных гадавін Вялікапольскага Паўстаньня. Таксама захапляўся горным спортам, здабыў найвышэйшыя верхавіны Эўропы, Афрыкі і Паўднёвай Амэрыкі. Суарганізоўваў штогадовы Познаньскі Маратон і прымаў у ім актыўны ўдзел. Быў адданым заўзятарам футбольнага клюбу - Лех Познань, а таксама сябрам таварыства і віцэ-кіраўніком Вялікапольскага Футбольнага Клюбу Познань.

Памёр на тромб артэрыі лёгкіх, калі ляжаў у больніцы, пасьля падзеньня з каня. Быў жанаты і меў двох дзяцей.

Мацей Франкевіч шматразова спрыяў вырашэньню беларускіх пытаньняў у Познані. Пры падтрымцы прэзыдэнта Беларускаму культурна-асьветнікаму цэнтру было прадстаўлена сядзібнае памяшканьне. Віцэпрэзыдэнт асабіста ўдзельнічаў у многіх беларускіх мерапрыемствах, а ў 2006 годзе разам са Станіславам Шушкевічам урачыста адчыняў Дні Вольнай Беларусі. У канцы 2008 года Беларускі культурна-асьветніцкі цэнтар заручыўся падтрымкай спадара Франкевіча па ўстанаўленьні помніка Францыску Скарыну ў Познані.