Прагляд крыніцы для Слонімскі батальён БСА

{{Вайсковае падразьдзяленьне
| назва              = Слонімскі батальён беларускае самааховы
| гады               = 1942—1943
| краіна             = {{Сьцягафікацыя|Трэці райх}}
| падпарадкаваньне   = [[Райхскамісарыят Остлянд]]
| памер              = каля 1000 чалавек
| роля               = антыпартызанскія баі
| тып                = [[дапаможная паліцыя]]
| у складзе          = [[Слонімская брыгада БСА]]
| вядомыя камандзіры = капітан [[Язэп Дакіневіч]]
| уключае ў сябе     = 3 [[рота|роты]], 1 конны [[эскадрон]]
| войны              = [[Другая сусьветная вайна]]<br />[[Нямецка-савецкая вайна]]
| бітвы              = [[Бой у Гавенавічах]]
| разьмяшчэньне      = [[Слонім]]
}}
'''Слонімскі батальён БСА''' — адно з найлепшых фармаваньняў [[Беларускі корпус самааховы|БСА]], якое існавала цягам 1942—1943 гадоў.

== Склад ==
Слонімскі батальён самааховы быў падзелены на тры роты й эскадрон коньніцы (агулам каля 1000 чалавек). У кожнай роце было па 100—120 чалавек, а ў эскадроне — каля 100. Зь беларускага боку камандоўцам батальёну быў капітан [[Язэп Дакіневіч|Дакіневіч]], але быў і нямецкі камандовец. Беларускіх афіцэраў не ставала, былі падафіцэры. Беларусы былі камандоўцамі зьвязаў, але заўсёды зь імі былі й нямецкія камандоўцы.

Эскадронам камандаваў немец лейтэнант Кройзер, а беларускага камандоўца эскадрон ня меў. Спачатку немцы камандавалі й зьвязамі, але потым зьявіліся беларускія камандоўцы.

== Шлях батальёну ==
Цягам 5 дзён у 1942 годзе ў [[Слонім]]е былі створаныя новыя беларускія вайсковыя аддзелы зь пяхоты й коньніцы з жыхароў Слоніму й навакольных вёсак. Адразу ж зарганізаваны батальён узяўся за шыхтовую й баёвую падрыхтоўку. Хадзілі яны на заняткі ў бок [[Шылавічы|Шылавічаў]], у лясы. Вучылі нямецкія каманды, разварочваліся фронтам. Хоць і не стралялі, а бэльгійскія вінтоўкі мелі, але й без набояў. Нават у лес, на заняткі, бяз набояў хадзілі. У немцаў яны былі, а ў беларусаў — не. Беларусам аснаду збольшага не давалі.

У ліпені 1942 году, як адзначаецца ў артыкуле «''У змаганьні з бандытамі''» («[[Беларус на варце]]», №1, 1943 год), батальён сутыкнуўся 5 разоў з «''[[Савецкі партызанскі рух у Беларусі|бандытамі]]''», дзе перамагаў іх ушчэнт.

Некалькі разоў у батальён прыяжджалі разам [[Рыгор Зыбайла]] й [[Сяргей Хмара]], якія ўлетку 1942 году зарганізавалі [[Слонімская брыгада БСА|Слонімскую брыгаду БСА]] насуперак [[Нямецкая акупацыя Беларусі (1941—1944)|нямецкім акупантам]]. Хутка, аднак, брыгада была расфармаваная.

У 1943 годзе беларускі батальён расфармавалі. Частка вайскоўцаў паехала ў [[Баранавічы]], а частка засталася на месцы.

== Форма ==
Батальён насіў літоўскую форму, як і ў [[Узброеныя сілы Польшчы|польскага войска]], зялёнага колеру. У беларускіх падафіцэраў і афіцэраў былі пятліцы. Былі прывезеныя кавалерыйскія боты, але іх не выдавалі. На занятках хадзілі ў ботах і абмотках. На пілёткі беларусы чаплялі [[Пагоня|Пагоню]], што рабілі самі, без прымусу. Многія самаахоўцы мелі цэшку Пагоню на пілотках. Свайго сьцяга батальён ня меў.

== У друку ==
Слонімская самаахова хвалілася ў тагачаснай [[Беларусь|беларускай]] [[Беларускі калябарацыянізм у Другой сусьветнай вайне|калябарацыйнай]] прэсе, як выдатны прыклад беларускага змаганьня з [[Бальшавікі|бальшавікамі]]. З аднаго з тагачасных часопісаў:

{{Цытата|Вуліцамі беларускіх гарадоў маршыруюць усё новыя і новыя, усё мацнейшыя і вялікшыя збройныя аддзелы.
Праз беларускую самаахову, батальёны СС, чыгуначныя батальёны і апорныя пункты магутнее беларуская збройная сіла. Беларускі народ бярэ у собскія рукі зброю, каб самому бараніць сваю радзіму ад ворага.

Яшчэ у 1942 годзе у Слонімскай акрузе былі створаныя збройныя аддзелы Беларускае самааховы. З кажным месяцам беларускае войска Слонімшчыны расло і мацнела. У канцы мінулага году беларускі вайсковы рэфарат Слонімшчыны паклікаў на абарону бацькаўшчыны жыхарства акругі.

На працягу 5 дзён у Слоніме былі створаныя новыя беларускія вайсковыя аддзелы з пяхоты і коньніцы. Адразу-ж новаарганізаваны батальён узяўся за шыхтовую і баёвую падрыхтоўку. Побач з баёвай вучобай, з дапамогай беларускіх культурных сілаў, праводзілася і праводзіцца нацыянальнае узгадаваньне жаўнераў.

Цяпер у Слонімшчыне разгарнулася утварэньне гэтак званых абаронных вёсак, абвешчанае спадаром Генэральным Камісарам, Группэнфюрэрам СС фон Готтбэргам.

Ваякі Слонімшчыны бароняць акругу ад бандытаў. Яны змагаюцца за сьветлую прышласьць бацькаўшчыны.|Н. Жур|[http://www.geocities.ws/samaachova/Vajaki_Slonimu_bel.html Часопіс «Новы шлях» № 4 (40), люты 1944 году]}}

== Глядзіце таксама ==

* [[48-ы батальён дапаможнай паліцыі]]

== Вонкавыя спасылкі ==

* [https://web.archive.org/web/20200212061149/http://shkola.of.by/lichu-shto--svoj-chas-belaruski-narodni-front-dapuseci-vyaliku.html Расповед былога жаўнера]
* [https://bka.ucoz.ru/publ/slonimskaja_samaakhova_na_fotazdymkakh/1-1-0-23 Слонімская самаахова на фотаздымках]
* [http://www.geocities.ws/samaachova/Vajaki_Slonimu_bel.html ВАЯКІ СЛОНІМШЧЫНЫ.] Часопіс «[[Новы шлях (1942)|Новы шлях]]» № 4 (40), люты 1944 году. (129).
* [https://web.archive.org/web/20200711203644/http://jivebelarus.net/history/new-history/belarusian-partizans.html?page=4 Беларуская Народная Грамада і Беларуская Народная Партызанка ў 1942-1943 гадах]
{{Беларускія вайсковыя фармаваньні на баку нацысцкай Нямеччыны}}
[[Катэгорыя:Беларускі корпус самааховы]]
[[Катэгорыя:Зьніклі ў 1943 годзе]]
[[Катэгорыя:Вайсковыя фармаваньні, створаныя ў 1942 годзе]]
[[Катэгорыя:1942 год у Беларусі]]
[[Катэгорыя:Войска ў Слоніме]]