Прагляд крыніцы для Робат

[[Файл:HONDA ASIMO.jpg|міні|Робат-андроід [[ASIMO]], вытворчасьці [[Honda]].]]
'''Робат''' ({{мова-cs|robot}}) — аўтаматычнае прыстасаваньне з антрапаморфным дзеяньнем, якое часткова ці цалкам замяняе чалавека пры выканьні работ у небясьпечных для жыцьця варунках, пры адноснай недаступнасьці аб’екта ці для іншага выкарыстаньня<ref>[http://krugosvet.ru/enc/nauka_i_tehnika/tehnologiya_i_promyshlennost/ROBOT.html ''«Робат»'']. КругоСвет.ru</ref>. У большасьці выпадкаў сучасныя робаты — гэта «рукі», маніпулятары, замацаваныя на аснове і прызначаныя для выкананьня аднастайнай працы тыпу складаньня, перамяшчэньня. Галіной тэхналёгіі, якая займаецца распрацоўкай, будаўніцтвам, эксплюатацыяй і прымяненьнем робатаў<ref>[https://web.archive.org/web/20110518152729/http://www.oxforddictionaries.com/view/entry/m_en_gb0714530#m_en_gb0714530 ''«Robotics»'']. Oxford Dictionaries.</ref>, а таксама кампутэрнымі сыстэмамі для іхнага кіраваньня, сэнсарнай зваротнай сувязі і апрацоўкі інфармацыі зьяўляецца [[робататэхніка]].

Робат можа непасрэдна падпарадкоўвацца камандам [[апэратар]]а, можа працаваць па загадзя складзенай [[Праграмнае забесьпячэньне|праграме]] альбо прытрымлівацца набору агульных указаньняў з дапамогай тэхналёгіі [[штучны інтэлект|штучнага інтэлекту]]. Робаты могуць кіравацца зьнешняй прыладай кіраваньня, альбо элемэнтам кіраваньня ўбудаваным унутр. Гэтыя задачы дазваляюць палегчыць або зусім замяніць чалавечую працу на вытворчасьці, у [[будаўніцтва|будаўніцтве]], пры працы зь цяжкімі грузамі, шкоднымі матэрыяламі, а таксама ў іншых цяжкіх або небяспечных для чалавека умовах. Робаты таксама здольныя выконваць працы на вялікіх глыбінях і ў [[космас]]е. Гэта выклікае пэўную заклапочанасьць і перагляд ролі робатаў у грамадзтве. Робатаў вінавацяць у павелічэньні тэхналягічнага [[беспрацоўе|беспрацоўя]], паколькі іх людзей-працаўнікоў лёгка замяняюць на робатаў, якія маюць больш функцыяў і ня ведаюць стомы. Выкарыстаньне робатаў у баявых дзеяньнях выклікае этычныя праблемы. Магчымасьці аўтаномнай працы робатаў і разьвіцьцё штучнага інтэлекту, а таксама магчымыя наступствы шырока разглядаюцца ў [[мастацкая літаратура|мастацкай літаратуры]] і могуць выклікаць у будучыні рэальныя праблемы.

Слова «робат» было прыдумана чэскім пісьменьнікам [[Карэл Чапэк|Карэлам Чапэкам]] і ягоным братам [[Ёзэф Чапэк|Ёзэфам]] і ўпершыню выкарыстана ў п’есе Чапэка ''«[[Р. У. Р.]]»'' («Росумскія ўнівэрсальныя робаты», 1920). Да зьяўленьня прамысловых робатаў лічылася, што робаты павінны выглядаць падобна людзям.

== Крыніцы ==
{{Крыніцы}}

== Вонкавыя спасылкі ==
{{Commons}}
* [http://roboforum.ru/ Расейскамоўны сайт заўзятараў практычнай робататэхніцы].{{ref-ru}}
* [https://web.archive.org/web/20130623112353/http://robot-develop.org/ Расейскі партал па распрацоўцы робатаў].{{ref-ru}}
* [http://www.lki.ru/text.php?id=4549 Робаты].{{ref-ru}}
* [https://curlie.org/Computers/Robotics Робаты] на Curlie.{{ref-en}}

[[Катэгорыя:Робаты| ]]
[[Катэгорыя:Вікіпэдыя:Істотныя артыкулы]]