Прагляд крыніцы для Ляпіс Трубяцкі

{{Музычны гурт
|Назва              = Ляпіс Трубяцкі
|Фота               = Siarhiej Michałok.jpg
|Подпіс             = Сяргей Міхалок. Канцэрт у клюбе Б1 Maximum
|Гады               = 1990—2014
|Адкуль             = [[Менск]], [[Беларусь]]
|Мова               = [[расейская мова|расейская]], [[беларуская мова|беларуская]], [[ангельская мова|ангельская]]
|Жанр               = [[рок-музыка|рок]], [[ска]], [[панк]]
|Выдавец            = Саюз Мьюзік, [[West Records]]
|Зьвязаныя праекты  = [[Крамбамбуля (гурт)|Крамбамбуля]], Саша і Сірожа, [[Drezden]]
|Афіцыйная старонка = [http://www.lyapis.com Lyapis.com]
|Удзельнікі         = [[Сяргей Міхалок]]<br />[[Павал Булатнікаў]]<br />[[Руслан Уладыка]]<br />[[Дзяніс Стурчанка]]<br />[[Павал Кузюковіч]]<br />[[Іван Галушка]]<br />[[Аляксандар Старажук]]
|Былыя ўдзельнікі   = [[Аляксандар Ролаў]]<br />[[Ягор Дрындзін]]<br />[[Уладзімер Елкін]]<br />[[Анатоль Зіневіч]]<br />[[Алег Ладо]]<br />[[Юры Задзіран]]<br />[[Валер Башкоў]]<br />[[Дзьмітры Сьвірыдовіч]]<br />[[Віталь Драздоў]]<br />[[Аляксей Зайцаў]]<br />[[Аляксей Любавін]]
}}
«'''Ля́піс Трубяцкі́'''» — беларускі рок-гурт, заснаваны ў 1990 годзе. Праіснаваў да 1 верасьня 2014 году, калі было абвешчана пра падзел на два новыя гурты — [[Trubetskoy]] і [[Brutto]].

== Гісторыя гурту ==

=== 1990—1995 ===
Гурт утварыўся ў лютым 1990 году. Даў свой першы канцэрт на фэсьце «[[Тры колеры]]» ў [[Менск]]у. Лідэрам ад самага пачатку стаў студэнт [[Беларускі дзяржаўны ўнівэрсытэт культуры і мастацтваў|Інстытуту культуры]] [[Сяргей Міхалок]]. Іншымі ўдзельнікамі першага складу былі бас-гітарыст калектыву [[Дзьмітры Сьвірыдовіч]], гітарыст [[Руслан Уладыка]] й ударнік [[Аляксей Любавін]].

Удзельнікі гурту «Ляпіс Трубяцкой» зьбіраліся ў той час пераважна на канцэртах. Пераход групы ад «віртуальнага» існаваньня да «рэальнага» адбыўся пасьля першага сур’ёзнага выступу групы на «Фэсьце музычных меншасьцяў» у Доме настаўніка ў Менску.

[[Яўген Калмыкаў]] (будучы дырэктар калектыву) стаў першым чалавекам, які прапанаваў музыкам ганарар за сольны выступ (таксама першы) у 1994 на піўным шоў у кавярні «Время» (''Час'') у ДК [[Менскі трактарны завод|Менскага трактарнага заводу]]. Прыкладна ў гэты час адбыўся і першы тур гурту па [[Беларусь|Беларусі]] (на аўтобусе) у межах «[[Next Stop New Life]]», у якім гледачам прадстаўлялася сумесная з тэатрам «[[Бамбукі]]» (кіраўнік — Сяргей Міхалок) [[рок-опэра]] «[[Заваёва космасу]]».

Затым у 1994 «Ляпіс Трубяцкой» ўлетку прыняў удзел у фэсьце «КГ. Сердитый праздник», які праходзіў у менскім [[Палац спорту (Менск)|Палацы спорту]] з удзелам расейцаў «[[Чайф]]», «[[Два самолёта]]», «[[Чуфелла марзуфелла]]» і іншых. Крыху пазьней музыкі апынуліся на прыдуманым мастаком [[Васіль Пачыцкі|Васілём Пачыцкім]] фэсьце «Неизвестное кино Гагарина» («''Невядомае кіно Гагарына''»), дзе таксама выступалі «[[Зартипо]]» і «[[Хламкин едет в Израил]]». Посьпех канцэрту навёў на думку аб выпуску касэты. У выніку быў зроблены запіс выступу ў «Альтэрнатыўным тэатры» падчас «Рок-абанэмэнта», які выйшаў у Беларусі ў 1995 годзе пад назвай «Любови капец» (ня блытаць са складанкай 1998).

Першы наклад касэты склаў каля 100 штук, зь якіх прададзена было толькі дваццаць (пазьней, на хвалі посьпеху «[[Ранетое сердце|Ранетого сердца]]», яна была перавыдадзеная). Але кожны ўсё яшчэ займаўся сваімі справамі: Яўген Калмыкаў працаваў у аб’яднаньні «Клубный стиль», Сяргей Міхалок курыраваў клюб «Аддис-Абеба» і кіраваў тэатрам «Бамбукі» (усе акторы — мужчыны, па аналёгіі зь японскім тэатрам «[[кабукі]]»). Склад быў той самы, хіба што бас-гітарысты часта зьмяняліся ([[Алег Усьціновіч|Алег «Паганіні» Усьціновіч]], [[Алег Ладо]]).

=== 1996—1997 ===
Усё рэзка зьмянілася ў 1996 пасьля канцэрту ў [[Палац шахматаў і шашак|Палацы шахматаў і шашак]]. Менавіта тамака іх заўважыў кіраўнік «[[Комплексбанк]]а» [[Яўген Краўцоў]]. Ён прапанаваў зрабіць запіс на сваёй студыі «Mezzo Forte». Прыкладна ў гэты час групу ўзмацнілі [[Ягор Дрындзін]] ([[труба]]), [[Віталь Драздоў]] ([[скрыпка]], [[вакал]]), [[Павал Кузюковіч]] ([[вальторна]]) і [[Аляксандар Ролаў]] ([[гітара]], сышоў праз паўгады). Вынікам стаў альбом «[[Ранетое сердце]]», афіцыйна прадстаўлены 21 чэрвеня 1996 году на «Сьвяце музыкі» ў менскім парку Горкага. Продажы «Ранетого сердца» білі ўсе беларускія рэкорды. Па розных ацэнках (касэты выдавалі ўсе хто заўгодна, і дакладнай лічбы ніхто ня ведае) наклад склаў ад 20 да 30 тысячаў асобнікаў.

Апафэозам узьлёту стала трэцяя цырымонія ўручэньня беларускіх музычных узнагародаў «[[Рок-каранацыя]]-96». «Ляпісу Трубяцкому» дасталіся тры ўзнагароды з чатырох магчымых. «Лепшы аўтар тэкстаў году» (узнагарода падзеленая з [[Кася Камоцкая|Касяй Камоцкай]] з гурту «[[Новае Неба]]»), «Альбом году» і «Лепшы гурт году» (так званая «Вялікая карона», што азначала, што «Ляпіс Трубяцкой» зараз — «рок-кароль»). Аднак за наступны год быў выдадзены толькі канцэртны запіс з прэзэнтацыі праграмы «[[Сьмяротнае вясельле]]».

=== 1998 ===
У лютым 1998 у Маскве выходзіць запісаны яшчэ ў 1997 «[[Ты кинула]]» з паловай старых і паловай новых песьняў. Падчас яго запісу з калектыву сыходзяць Алег Ладо й Віталь Драздоў. Першага спачатку ў якасьці сэсійнага музыкі замяняе [[Валер Башкоў]], але трохі пазьней вяртаецца бас-гітарыст першага складу Дзьмітры Сьвірыдовіч. На месца Драздова прыходзіць другі вакаліст [[Павал Булатнікаў]] (былы ўдзельнік менскага дуэту «[[Ліцэй (гурт)|Ліцэй]]»). Напрыканцы году беларускім рэжысэрскім тандэмам «[[Bolek & Lolek]]» (М. Тымінько ды А. Церахаў) здымаецца першы ў гісторыі гурту відэакліп — «Ау». Ён быў зроблены аматарскім чынам: з размаляваных на кампутары ўручную фатаздымкаў музыкаў гурту.

Альбом «Ты кинула» прыносіць групе посьпех у [[Расея|Расеі]] й краінах [[Садружнасьць Незалежных Дзяржаваў|СНД]]. Увесну «Ляпіс Трубяцкой» зьдзяйсьняе першыя за паўтара году гастролі па Беларусі.

Напрыканцы 1998 году выйшаў альбом рэміксаў песьняў гурту «[[Ляпис-Дэнс]]», да стварэньня якога самі музыкі ня мелі ніякага дачыненьня, а ў жніўні па ініцыятыве Яўгена Краўцова была выпушчаная складанка «архіўных» запісаў гурта «[[Любови капец]]». Гітом робіцца запісаная ў 1996 годзе для «Ранетого сердца» вэрсія песьні [[Алег Кваша|Алега Квашы]] «Зялёнавокае таксі», якая, у той жа час, ператвараецца ў падставу для скандалу, узьнятага аўтарам песьні напачатку 1999.

=== 1999—2000 ===
Увосень 1998 году пачынаецца падрыхтоўка матэрыялу для новага альбому. Альбом «[[Красота]]» выходзіць 12 траўня 1999<ref name=":0">{{Cite web|issue=18|year=2006|last=|first=|date=|title=СЕМЬ ДНЕЙ ИСТОРИИ :: БЕЛОРУССКОГО РОК-Н-РОЛЛА|url=http://www.nestor.minsk.by/mg/articles/2006/18/0400.html|dead-url=no|archiveurl=https://web.archive.org/web/20200911163529/http://www.nestor.minsk.by/mg/articles/2006/18/0400.html|archivedate=2020-09-11|accessdate=2020-09-15|website=|publisher=[[Музыкальная газета]]|language=ru}}</ref>, і музыкі зноў пачынаюць актыўную гастрольную дзейнасьць, значнае месца ў якой займае ўдзел у непалітычнай частцы туру «Так!» у верасьні-кастрычніку. Увосень пачынаецца падрыхтоўка новага матэрыялу. Першая песьня «Вінаградная лаза» запісваецца ў Менску на студыі «Mezzo Forte» ў верасьні і зводзіцца ў [[Францыя|Францыі]] ангельскім прадусарам [[Віктар Пэндлбэры|Віктарам Пэндлбэры]].

Напачатку 2000 году студыя «Союз» перавыдала прыналежны ёй альбом «Красота» пад назвай «Всем девчонкам нравится…». У перавыданьне ўвайшлі тры новыя песьні — «Любовь повернулась ко мне задом» (''«Каханьне павярнулася да мяне задам»''), «Крошка моя» (''«Лялечка мая»''; кавэр-вэрсія гіту «[[Руки вверх!]]») и «Виноградная лоза» («Вінаградная лаза»). У гэты ж час выходзіць музычны фільм пра гурт «Усім дзяўчынкам падабаецца…». На гэтым супрацоўніцтва з «Союзам» на той момант скончылася.

У студзені 2000 у Менску на студыі [[Першы нацыянальны тэлеканал|Беларускага тэлебачаньня]] запісваецца новы альбом назовам «[[Тяжкий]]». Падчас запісу кружэлкі ў якасьці запрошанага музыкі зьяўляецца [[Іван Галушка]] ([[трамбон]]), які празь некалькі месяцаў уліваецца ў склад гурту ў якасьці трэцяга ўдзельніка духавое сэкцыі (Я. Дрындзін — труба, П. Кузюковіч — трамбон). «Ляпісы» падпісваюць кантракт з расейскай рэкард-кампаніяй [[Real Records]], якая 15 траўня таго ж году выпускае іх новы альбом. Кружэлка выклікала неадназначную рэакцыю. Праграмныя дырэктары маскоўскіх радыёстанцыяў вельмі неахвотна бралі ў свой этэр песьні зь «Тяжкага», [[MTV]] і [[ОРТ]] адмаўляліся круціць кліпы «Спорт мінуў», «Дружбак» і «Па алеях» (зьняты з удзелам комік-трупы [[Маскі-шоў]]). Затое [[Арцемій Троіцкі]] назваў «Тяжкий» ''«лепшым, што было выдадзена ў Расеі ў 2000 годзе»''.

=== 2001—2002 ===
Першым сынглам з наступнага альбому стала песьня «Галубы». Ролік, рэжысэрам якога стаў [[Ігар Пашкевіч]] (ён жа экранізаваў у 1999 «Яблыні»), здымаўся ў пачатку студзеня ў Менску на Менскім роварным заводзе. Кліп быў узяты ў эксклюзіў MTV і ў сакавіку 2001 стаў самым ратуемым на гэтым канале відэаролікам.

У сакавіку таго ж году музыкі гурту «Ляпіс Трубяцкой» сталі ініцыятарамі стварэньня творчага аб’яднаньня «[[Дзеці Сонца]]». Мэта аб’яднаньня — прапагандаваць пазытыўную вясёлую музыку, незалежна ад таго, хто яе выконвае — прызнаныя зоркі ці таленавітыя пачаткоўцы. У мэтах пасоўваньня гэтай ідэі быў створаны аднайменны рэкорд-лэйбл «Дзеці Сонца», стылявыя прыярытэты якога — [[ска]], [[рэгі]], [[рага]], «[[цыганшчына]]» і іншая «сонечная музыка». Да канца году выйшла дзьве складанкі<ref name=":0" />.

Улетку 2001 быў зьняты кліп на песьню «Сочы», якая, як і «Галубы», мела вялікі посьпех. У верасьні выйшаў альбом «[[Юность]]» — самая пасьпяховая кружэлка ад часоў «Красоты».

Паміж тым напачатку 2001 году на зьмену Дзьмітрыю Сьвірыдовічу прыйшоў [[Аляксей Зайцаў]] (бас-гітара), а праз год групу пакінуў яшчэ адзін удзельнік першага складу — Аляксей Любавін (ударныя). Месца за барабанамі заняў [[Аляксандар Старажук]].

=== 2003—2005 ===
Першыя чарнавыя запісы для новага альбому зрабілі ўвосень 2002, пасьля чаго ў студзені 2003 зьезьдзілі ў [[Кіеў]] да [[Яўген Ступка|Яўгена Ступкі]]. Дзьве песьні з шасьці запісаных увайшлі ў экспэрымэнтальны самотнік «[[Чырвоны кальсоны]]» (травень 2003), куды таксама ўвайшла вялікая колькасьць рэміксаў ад сяброў гурту.

Падчас запісу Аляксея Зайцава на бас-гітары замяняе [[Ўладзімер Эгліціс]] з гурту Карла Хламкіна. Прыкладна ў той самы час калектыў пакідае Ягор Дрындзін. Трубачом робіцца валтарніст Павал Кузюковіч<ref>{{Cite web|аўтар=Олег Климов|суаўтары=Сергей Шаруба.|date=|title=Убить N.R.M., или К неутешительным итогам музыкального года|url=http://www.nestor.minsk.by/mg/2004/04/mg40401.html|dead-url=no|archiveurl=http://web.archive.org/web/20200911121416/http://www.nestor.minsk.by/mg/2004/04/mg40401.html|archivedate=2020-09-11|accessdate=2020-09-11|website=|publisher=[[Музыкальная газета]]|language=ru|issue=4|year=2004|аўтарlink=Алег Клімаў}}</ref>.

Вынікам амаль гадавое працы стаў альбом «[[Золотые яйцы]]» (красавік 2004), гучаньне якога было прыкметна больш «незалежным», з досыць моцным уплывам ска і рэггей. Да часу яго выпуску было зьнята два відэакліпы. Першы, на песьню «Раінька», стаў самай няўдалай працай Ігара Пашкевіча. Другі, выкананы ў тэхніцы плястылінавае анімацыі зьнялі браты Сідарукі.

Да выхаду альбому Сяргей Міхалок мяняе свое вонкавае аблічча. У жніўні 2004 зьявілася відэа на песьню «Почтальоны», зьнятае амэрыканскім рэжысэрам [[Кевін Джэксан|Кевінам Джэксанам]]. Самае дарагое і, мусіць, самае няўдалае відэа гурта.

=== 2006—2007 ===
У 2004—2006 гадах «Ляпіс Трубяцкой» актыўна займаўся саўндтрэкамі. Каманда запісала музыку да сэрыялу «Мужчыны ня плачуць» і фільму «Апошні забой» (абодва зьнятыя расейскім рэжысэрам [[Сяргей Баброў|Сяргеем Бабровым]]). Вынікам стаў зборны альбом «Мужчины не плачут. Музыка для кино», большасьць песень якога былі запісаныя ў фармаце напаўакустычнага бэнду з акардэонам. Ён выйшаў у сакавіку 2006.

Разам з тым яшчэ ўлетку 2005 калектыў пачаў працу над сваёй чарговай кружэлкай. Першыя новыя песьні («Андрюша», «Харэ») былі прадстаўленыя слухачам яшчэ да студыйнага запісу на фэстах «[[Нашэсьце]]» ў [[Казахстан]]е і Расеі.

У першай палове 2006 у гурт вярнуўся адзін з заснавальнікаў калектыву — бас-гітарыст Дзьмітры Сьвірыдовіч (праўда, яму ізноў прыйшлося сысьці напрыканцы 2006, і тады яго замяніў Дзяніс Стурчанка). Трыюмфальным можна назваць выступ «Ляпісаў» на Таўрыйскіх гульнях у траўні 2006, дзе група выканала амаль усе свае гіты, а таксама некаторыя новыя кампазыцыі.

На працягу 2006 гурт шукаў саўндпрадусара для запісу новага матэрыялу, каб нарэшце ў поўнай меры рэалізаваць свае ска-панкавыя мары. Новым саўнпрадусарам стаў Віталь Цялезін («[[Океан Ельзи]]», «[[Братья Гримм]]» і іншыя). Альбом быў запісаны ў Кіеве з восені 2006 па вясну 2007. Першым паўнавартасным сынглам зь яго стала песьня «Харэ», з трэш-кліпам ад рэжысэра і актора [[Уладзімер Япіфанцаў|Ўладзімера Япіфанцава]], які быў запушчаны ў пачатку 2007. Але галоўнай ударнай сілай альбому стала песьня «Капітал» з апакаліптычным відэакліпам Аляксея Церахава (суаўтар кліпаў «Ау» і «Розочка»), прэм’ера якога адбылася ў [[Інтэрнэт|Інтэрнэце]]. За першы месяц ролік прагледзелі каля 100 тысячаў чалавек. Альбом «Капитал» выйшаў напрыканцы красавіка 2007 і стаў новым вітком у творчасьці калектыва<ref>{{Cite web|url=https://www.svaboda.org/a/24183586.html|title=Сяргей Міхалок: "Прысьпеў час казаць па-іншаму"|last=Будкін|first=Сяргей|date=2011-05-23|аўтар=Сяргей Будкін.|publisher=[[Свабода (радыё)|Свабода]]|language=be|dead-url=no|archiveurl=http://web.archive.org/web/20200410112849/https://www.svaboda.org/a/24183586.html|archivedate=2020-04-10|accessdate=2020-04-10}}</ref>. Яго расейская прэзэнтацыя адбылася 1 траўня ў Маскве, украінская — 17 траўня ў Кіеве, а беларусы змаглі ўбачыць новую праграму 2 чэрвеня ў [[Бабруйск]]у.

=== 2008—2009 ===
На цырымоніі ўручэньня прэмій «Гукавая дарожка — 2008» у Маскве калектыў перамог адразу ў дзьвюх намінацыях: «Рок» і «Гурт году».

«Ляпісы» ўпершыню патрапілі ў лік сушукальнікаў прэміі «Гукавая дарожка» (яна ж — «ZD Awards»), прычым адразу ў трох катэгорыях: «Рок», «Гурт году» і «Альбом году». Канкурэнтамі «Ляпісаў» былі: [[Зэмфіра Рамазанава|Зэмфіра]], «Мумій Троль», «Акварыюм», «Бі-2», «Горад 312», «Бумбокс», Noize MC, Quest Pistols і нават [[Дзіма Білан]] (у намінацыі «Альбом году»). «Ляпісы» атрымалі дзьве статуэткі, як лепшы гурт і лепшы рок-праект году.

7 сакавіка 2009 году ў маскоўскім спорткомплексе «Алімпійскі» мінула другая цырымонія ўзнагароджаньня прэміяй «Чартавы тузін. Топ 13» («Чартова дюжина. Топ 13»). Гэтая прэмія лічыцца галоўнай узнагародай у вобласьці расейскай рок-музыкі. Беларускі гурт «Ляпис Трубецкой» другі раз запар патрапіў у лік пераможцаў «Чартавага тузіну». Год назад «Ляпісы» атрымалі прэмію за кліп «Капітал», зьняты рэжысэрам [[Аляксей Церахаў|Аляксеем Церахавым]]. У 2009 годзе яны зноў патрапілі ў намінацыю «Відэакліп» — і зноў з ролікам Церахава «Огоньки».

У пачатку сакавіка 2009 году пачаўся маштабны тур па Беларусі. Цэнтральны канцэрт беларускага туру адбыўся 9 сакавіка ў Палацы спорту ў [[Менск]]у ў прысутнасьці каля 9000 гледачоў. Акрамя гэтага чакаюцца выступы ў [[Берасьце|Берасьці]], [[Горадня|Горадні]], [[Магілёў|Магілёве]], [[Гомель|Гомелі]], [[Наваполацак|Наваполацку]], [[Салігорск]]у і [[Бабруйск]]у.

14 сакавіка 2009 году ў [[Маладэчна|Маладэчне]] прайшла 13-я цырымонія ўзнагароджаньня лепшых беларускіх музыкаў «[[Рок-каранацыя]]». Крыштальныя кароны ўручаныя ў дзевяці намінацыях. Тры зь іх дасталіся гурту «Ляпіс Трубяцкой»: «Песьня году» («Зорачкі»), «Альбом году» (''[[Manifest]]'') і вялікая рок-карона — «Гурт году».

=== 2012 ===
Прадвесьнікам новага альбому стала песьня на верш [[Янка Купала|Янкі Купалы]] «Ня быць скотам», якую «Ляпісы» прадставілі ў лістападзе 2011 году. Рэліз альбому «Рабкор» адбыўся 1 траўня.

=== 2014—2015 ===
17 сакавіка 2014 году гурт выпусьціў зварот, у якім заявіла пра тое, што заканчвае сваю кар’еру 1 верасьня таго ж году. 1 верасьня 2014 году было абвешчана, што гурт спыняе сваё існаваньне, а яго ўдзельнікі заснавалі два новыя гурты: [[Trubetskoy]], які будзе выконваць у тым ліку і старыя песьні «Ляпіса Трубяцкога», а таксама праект [[Brutto]]<ref name="tuzin">[https://web.archive.org/web/20140911063008/http://tuzin.fm/article/1166/lapis-trubiacki-padzialiusia-na-trubetskoy-ji-brutto-videa.html «Ляпіс Трубяцкі» падзяліўся на Trubetskoy і Brutto]</ref>. У склад гурта Trubetskoy ўвайшлі тры былыя ўдзельнікі «Ляпіса Трубяцкога» — [[Павал Булатнікаў]] (вакал), [[Руслан Уладыка]] (гітара), [[Аляксандар Старажук]] (бубны), таксама да іх далучыліся гітарыст [[Павал Трацяк]] і басіст [[Аляксандар Мышкевіч]]; [[Сяргей Міхалок]] заснаваў свой асобны праект — Brutto<ref name="tuzin" />. На сьнежань 2015 г. у амэрыканскай [[Сацыяльная сетка|сацыяльнай сетцы]] [[Facebook]] старонка гурта была 5-й найбольш упадабанай у Беларусі з больш як 104 тыс. упадабаньняў<ref>{{Навіна|аўтар=|загаловак=Статыстыка Фэйсбук-старонак у Беларусі|спасылка=http://www.socialbakers.com/statistics/facebook/pages/total/belarus/|выдавец={{Артыкул у іншым разьдзеле|Грамадзкія пекары||en|Socialbakers}}|мова=en|дата публікацыі=2015|дата доступу=2 сьнежня 2015}}</ref>.

== Склад ==
* [[Сяргей Міхалок]] — [[сьпеў]]
* [[Павал Булатнікаў]] — [[сьпеў]], [[бубен (абцягнуты абруч)|бубен]]
* [[Руслан Уладыка]] — [[гітара]]
* [[Дзяніс Стурчанка]]— [[бас-гітара]]
* [[Павал Кузюковіч]] — [[вальторна]], [[труба]]
* [[Іван Галушка]] — [[трамбон]]
* [[Аляксандар Старажук]] — [[бубны]]

== Дыскаграфія ==
{| class="wikitable"
|-
! Год !! Арыгінальная назва !! Па-беларуску
|-
| 1995 || ''[[Любови капец!]]'' — Live '95 || Каханьню капец! — Live '95
|-
| 1996 || ''[[Ранетое сердце]]'' || Параненае сэрца
|-
| 1997 || ''[[Смяротнае вяселле]]'' || Сьмяротнае вясельле
|-
| 1998 || ''[[Ты кинула]]'' || Ты кінула
|-
| 1998 || ''[[Любови капец: архивные записи 1992—1995]]'' || Каханьню капец: архіўныя запісы 1992—1995
|-
| 1999 || ''[[Красота]]'' || Прыгажосьць
|-
| 1999 || ''[[Ляписденс]]'' || Ляпісдэнс
|-
| 2000 || ''[[Всем девчонкам нравится]]'' || Усім дзяўчатам падабаецца
|-
| 2000 || ''[[Тяжкий]]'' || Цяжкі
|-
| 2001 || ''[[Юность]]'' || Юнацтва
|-
| 2001 || ''[[Ляписденс-2]]'' || Ляпісдэнс-2
|-
| 2003 || ''[[Чырвоны кальсоны]]'' (макси-сингл) || Чырвоныя споднікі
|-
| 2004 || ''[[Золотые яйцы]]'' || Залатыя яйкі
|-
| 2004 || ''[[Аргентина]]'' || Аргентына
|-
| 2006 || ''[[Мужчины не плачут. Музыка для кино]]'' || Мужчыны ня плачуць. Музыка для кіно
|-
| 2007 || ''[[Капитал]]'' || Капітал
|-
| 2008 || ''[[Manifest]]'' || Маніфэст
|-
| 2009 || ''[[Культпросвет]]'' || Культпрасьвет
|-
| 2011 || ''[[Весёлые картинки]]'' || Вясёлыя малюнкі
|-
| 2012 || ''[[Рабкор]]'' || Рабкор
|-
| 2014 || ''[[Матрёшка]]'' || Матрошка
|-
|}

== Фільмаграфія ==
<div style="-moz-column-count:3; column-count:3;">
* 1997 — «Ау»
* 1998 — «В платье белом»
* 1998 — «Кинула»
* 1999 — «Кинула» (feat. «Дискотека Авария»)
* 1999 — «Розочка»
* 1999 — «Яблони»
* 2000 — «Дружбан» (Вэрсія 1 — ад канца да пачатку)
* 2000 — «Дружбан» (Вэрсія 2 — нармалёвая)
* 2000 — «Спорт прошел»
* 2000 — «НЛО» (намаляваны Аляксеем Хацкевічам)
* 2000 — «По аллеям» (пры ўдзеле Маскі-шоў)
* 2001 — «Голуби»
* 2001 — «Любовь повернулась ко мне задом» (feat. KARAPUZIKEE)
* 2001 — «Сочи»
* 2001 — «Некрасавица»
* 2002 — «Юность»
* 2002 — «Гоп-хип-хоп (рэмікс)» (feat. «Саша и Сирожа»)
* 2003 — «Ласточки»
* 2003 — «Раинька»
* 2004 — «Золотые яйцы»
* 2004 — «Почтальоны»
* 2006 — «Андрюша»
* 2006 — «Саяны»
* 2006 — «Харе»
* 2006 — «Олені» (feat. TIK)
* 2007 — «Капитал» (вэрсія 1 — гурт грае ў гаражы)
* 2007 — «Капитал» (вэрсія 2 — мультыплікацыя)
* 2008 — «Керчь-2»
* 2008 — «Жлоб»
* 2008 — «Манифест»
* 2008 — «Огоньки»
* 2009 — «Belarus Freedom»
* 2009 — «Зорачкі» (праект OpenSpace.ru)
* 2009 — «Буревестник»
* 2009 — «Светлячки»
* 2010 — «Пульс эпохи»
* 2010 — «Купляй беларускае» (праект [[Adnak]].by)
* 2010 — «Болт» (feat. [[Noize MC]]) (аўтар — Аляксей Церахаў)
* 2010 — «Африка» (кавэр на песьню гурту «[[Комитет охраны тепла]]»)
* 2011 — «Я верю» (вэрсія 1 — аўтар Аляксей Церахаў)
* 2011 — «Я верю» (вэрсія 2 — аўтар Аляксандар Сьцекаленка)
* 2011 — Космонавты
* 2011 — Принцесса
* 2011 — Не быць скотам
* 2011 — Путинарода
* 2012 — Броненосец (Ты ни при чём?) (аўтар — Аляксей Церахаў)
* 2012 — Железный
</div>

== Крыніцы ==
{{Крыніцы}}

== Вонкавыя спасылкі ==
* [https://web.archive.org/web/20170628070502/http://www.lyapis.com/ Афіцыйная старонка]{{ref-ru}}
* [http://www.lyapis.narod.ru/ Афіцыйны фан-сайт]{{ref-ru}}
* {{MySpace|lyapis}}

{{Ляпіс Трубяцкі}}

[[Катэгорыя:Ляпіс Трубяцкі| ]]
[[Катэгорыя:Музычныя гурты, якія зьявіліся ў 1990 годзе]]
[[Катэгорыя:Беларускія панк-рок-гурты]]