Курган

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Курган (неадназначнасьць).

Курга́н — разнавіднасьць пахавальных помнікаў, распаўсюджаных на ўсіх кантынэнтах, акрамя Аўстраліі і Антарктыды. Характарызуецца, як правіла, утварэньнем землянога насыпу над пахавальнай ямай. Вылучаюцца шматлікія тыпы курганоў, якія характарызуюцца асаблівасьцямі канструкцыі пахавальнай камэры і насыпу. У народзе курганы маюць свае назвы — Валатоўкі, Капцы, Курганкі, Швэдзкія магілы, Францускія магілы, Дзявочыя магілы, Змяенкі, Сопкі, Старыя кладкі.