Прагляд крыніцы для Кніга Быцьця (Скарына)

[[Файл:Biblia Ruska.jpg|значак|Тытульны аркуш. «''Библия руска выложена докторомъ Францискомъ Скориною из славного града Полоцька, Богу ко чти и людемъ посполитымъ к доброму научению''».]]
'''Кні́га Быцьця́''' (''Первыя книги Моисеовы рекомыя Бытия'') — праскае выданьне [[Францішак Скарына|Скарыны]], якое пабачыла сьвет у 1519 року. Выданьне адкрываецца тытульным аркушам да ўсёй [[Біблія Францішка Скарыны|Бібліі]].

== Зьмест кнігі ==
[[Файл:Францыск Скарына. Тройца. Кніга Быццё. Прага, 1519.jpg|значак|зьлева|Гравюра «Тройца». Абварот тытульнага аркуша]]
[[Файл:Францыск Скарына. Стварэнне свету. Кніга Быццё. Прага, 1519.jpg|значак|Гравюра «Стварэньне сьвету»]]
[[Файл:Францыск Скарына. Бог у раі. Кніга Быццё. Прага, 1519.jpg|значак|зьлева|Гравюрная застаўка «Бог у раі»]]
У гравіраванай рамцы зьмешчаны тэкст, надрукаваны [[цынобра]]й: «''Библия руска выложена докторомъ Францискомъ Скориною из славного града Полоцька, Богу ко чти и людемъ посполитымъ к доброму научению''». На адвароце тытула надрукавана гравюра. У кнізе дадзена «''Предъсловие доктора Франъциска Скорины с Полоцька во всю Библию рускага языка''». У прамове асьветнік тлумачыць слова [[Біблія]], указваючы, што ў яе ўваходзяць «вси книги Ветхаго и Новаго закону», прыводзіць цытаты з [[Апакаліпсіс|Адкрыцьця]], [[Ліст да Рымлянаў|ліста да Рымлянаў]], [[Дабравесьце паводле Мацьвея|Эвангельля паводле Мацьвея]]. Прамоўца дае разгорнутую характарыстыку Бібліі, зьвязваючы яе з унівэрсытэцкім курсам [[Сем вольных мастацтваў|сямі вольных мастацтваў]]. Пералічваючы кнігі Бібліі, Скарына коратка анатаваў іхні зьмест, сканчаючы словамі: «''О сих книгах всея Библии, подле малости розуму моего, розделы вократцы положих. А о чем бых ся олылих (памыліўся), разумнейшие поправте, прошу вас для Бога и для посполитого доброго''».

Далей зьмешчана разгорнутая анатацыя зьместу кнігі «''Сказание во первые книги Моисеовы рекомые Бытия доктора Франъциска Скорины''», у канцы якой Скарына падкрэсьлівае цяжкасьць успрыманьня [[Кніга Роду|кнігі Быцьця]]. Пасьля надрукаваны тэкст усіх 50 разьдзелаў кнігі, на апошнім аркушы выданьня — пасьляслоўе.

== Друкарскія асаблівасьці выданьня ==
Кніга выдадзена [[Царкоўнаславянская мова|царкоўна-славянскай мовай]] у беларускай рэдакцыі. Фармат выданьня кнігі — у чвэрць [[аркуш]]а, аб’ём — 94 аркушы, якія сабраны ў 12 сшыткаў. Набор выкананы ў 10 радкоў вышынёй 75 мм [[Сыгнатура]] адсутнічае. [[Фаліяцыя]] на верхнім баку аркуша ўверсе справа. У мастацкай аздобе выданьня выкарыстаны 3 [[ілюстрацыя|ілюстрацы]]і, [[Застаўка (кніжная графіка)|застаўка]], 54 [[Ініцыял (кніжная графіка)|ініцыялы]] і арнамэнтная рымка тытульнага аркуша. На абвароце тытульнага аркуша знаходзіцца [[гравюра]] «Тройца», над якой [[калантытул]]: «Книги І Моисеовы». На 8 аркушы — гравюра «Стварэньне сьвету», а на наступным — гравюра «Бог у раі». Перад пасьляслоўем разьмешчаная вузкая застаўка. Рамка тытульнага аркуша складаецца з чатырох частак. Вэртыкальныя часткі запоўненыя арнамэнтным малюнкам. Верхняя частка зьмяшчае гербавы шчыт, акружаны расьлінным павоем. Ніжняя частка рамкі мае два гербавых шчыты, на адным зь іх выява зацменьня сонца, на другім — [[манаграма]].

Усяго вядома 15 экзэмпляраў кнігі Быцьця, зь іх толькі 2 поўныя.

== Літаратура ==
* {{Літаратура/Францішак Скарына і ягоны час}}

== Вонкавыя спасылкі ==
{{Commons}}

{{Выданьні Францішка Скарыны}}

[[Катэгорыя:Біблія Францішка Скарыны]]
[[Катэгорыя:Гісторыя Прагі]]
[[Катэгорыя:Кнігі 1519 году]]
[[Катэгорыя:Кніга Роду|Скарына]]