Квінтыльён

Квінтыльён — натуральны лік, роўны:

• у сыстэме найменьня лікаў з кароткай шкалой — адзінцы з 18 нулямі (1 000 000 000 000 000 000 = $10^{18}$, тысяча квадрыльёнаў або мільён трыльёнаў);
• у сыстэме найменьня лікаў з доўгай шкалой — адзінцы з 30 нулямі (1 000 000 000 000 000 000 000 000 000 000 = $10^{30}$ = $10^{6}\times 10^{6}\times 10^{6}\times 10^{6}\times 10^{6}$ = $(10^{6})^{5}$, мільён у пятай ступені).

	Кароткая шкала	Доўгая шкала
$10^{18}$	квінтыльён	трыльён
$10^{21}$	сэкстыльён	трыльярд
$10^{24}$	септыльён	квадрыльён
$10^{27}$	актыльён	квадрыльярд
$10^{30}$	нонільён	квінтыльён

Дадатковыя зьвесткі

• Дыямэтар галяктыкі Млечны Шлях складае каля аднаго квінтыльёну кілямэтраў, або аднаго зэтамэтру.
• У вядомай задачы пра зёрны на шахматнай дошцы лік зёрнаў на дошцы ў 64 краткі складзе болей за 18 квінтыльёнаў.
• Існуе болей за 43 квінтыльёны розных камбінацыяў кубіка Рубіка.
• Лямпа напальваньня магутнасьцю 100 Вт (з сярэдняй даўжынёй хвалі выпраменьваньня 600 нм і з ККД 3,3%) выпраменьвае 10 квінтыльёнаў фатонаў за сэкунду.

Літаратура

• Квинтиллион // Большая советская энциклопедия / гл. ред. А. М. Прохоров. — 3-е изд.. — М.: Советская энциклопедия, 1969—1978.