Прагляд крыніцы для Дзевас

'''Дзевас''' ('''Дыеўс''', '''Дэйвс'''; {{мова-lt|dievas|скарочана}}, {{мова-lv|dievs|скарочана}}, [[латгальская мова|латгал.]] ''dīvs'', [[Пруская мова|прус.]] ''deiws'') — лічыцца вярхоўным [[бог]]ам у [[Балцкая міталёгія|балтыйскай міталёгіі]], увасабленьнем сьветлага дзённага неба. Адно з найбольш архаічных балтыйскіх бостваў, у [[Міталёгія|міталёгіі]] яго вобраз даволі аморфны, ён выступае як бог наогул, бог як такі ўласна (пазьней [[балты]] назвалі гэтым імем і [[Хрысьціянства|хрысьціянскага]] Бога, «Дзевас» пачало азначаць проста «бог»). Ад Неба-Каровы нарадзіў блізьнятаў — сына ды дачку, якія ўвасабляюць урадлівасьць і земляробства, пазьней паданьне пра інцэст было заменена на міт пра двух братоў-блізьнятаў і іх сястру<ref>[https://web.archive.org/web/20160305021706/http://pdf.kamunikat.org/18697-1.pdf СЛАВЯНСКАЯ МІТАЛЁГІЯ]. Тацьцяна Шамякіна</ref><ref>Lautenbachs J., Deews un welns, Riga, 1885; Biezais H., Die Himmlische Gцtterfamilie der alten Letten, Uppsala, 1972.</ref>.

== Назва ==
Мяркуецца, што [[Латыская мова|латыскі]] варыянт «''Debestevs''» (або «''Debess tevs''») робіць празрыстай этымалёгію імя: яно паходзіць ад [[Балтыйскае мора|балтыйскага]] «Бацька-Неба», што сьведчыць пра агульнаэўрапейскае атаясамліваньне неба з мужчынскім пачаткам сусьвету.

У [[Славяне|славянскай]] ([[Беларусы|беларускай]]) міталёгіі бытавала боства [[Дзіў|Дзіў (Дзіва)]], якое мае тое ж [[Індаэўрапейскія мовы|індаэўрапейскай]] паходжаньне, што [[Летувіская мова|летувіскае]] Дзевас і [[Лацінская мова|лацінскае]] Дэўс<ref>Ластоўскі В. Дзіў // Крывіч. № 1 (11), студзень-чэрвень 1926. С. 112.</ref>.

== Беларусь ==
Ад балтаў гэтае імя трапіла і ў некаторыя рэгіёны Беларусі. Так, у [[Зьдзецельскі раён|Зьдзецельскім раёне]] [[Гарадзенская вобласьць|Гарадзенскай вобласьці]] быў вядомы камень з назвай Дзево блюдас («блюда Бога»){{Крыніца?}}. Існуе гіпотэза пра тое, што й прыгоркі з назвай [[Дзявочая гара]], якія сустракаюцца ў некаторых мясьцінах Беларусі, маглі раней быць месцамі ўшанаваньня Дзеваса, а пазьней у выніку [[дээтымалягізацыя|дээтымалягізацыі]] іх імёны былі ператлумачаны як Дзявочыя або Паненскія.

== Крыніцы ==
{{Крыніцы}}

== Вонкавыя спасылкі ==
* [http://www.rv-blr.com/dictonary/view/1282 Артыкул «Дзевас» на сайце «Родныя вобразы»]{{Недаступная спасылка|date=January 2021 |bot=InternetArchiveBot |fix-attempted=yes }}

[[Катэгорыя:Латыская міталёгія]]
[[Катэгорыя:Летувіская міталёгія]]
[[Катэгорыя:Багі]]