Прагляд крыніцы для Дабруджа

[[Файл:Dobrogea-cadrilater.png|міні|Анэксія Паўднёвай Дабруджы Румыніяй (1913). Перадача яе Баўгарыі па Краёўскім пагадненьні ў 1940 годзе]]
'''Дабру́джа''' ({{мова-ro|Dobrogea}}, {{мова-bg|Добруджа}}, {{мова-tr|Dobruca}}), таксама '''Задунаўе''' — [[гістарычная вобласьць]] на поўначы [[Балканскі паўвостраў|Балканскага паўвострава]], на тэрыторыі сучасных [[Румынія|Румыніі]] і [[Баўгарыя|Баўгарыі]]. У канцы XIX — пачатку XX стагодзьдзя Дабруджа, якая месьціцца каля стратэгічна важнай [[Дэльта Дунаю|дэльты Дуная]] стала аб’ектам тэрытарыяльных спрэчак паміж [[Расейская імпэрыя|Расейскай імпэрыяй]], [[Асманская імпэрыя|Асманскай імпэрыяй]], Румыніяй і Баўгарыяй.

== Геаграфія ==
[[Файл:Histdob.png|thumb|right|Дабруджа з 1878 году]]
Гістарычная Дабруджа складаецца з '''[[Паўночная Дабруджа|Паўночнай Дабруджы]]''', якая зьяўляецца ў наш час часткай [[Румынія|Румыніі]], і '''[[Паўднёвая Дабруджа|Паўднёвай Дабруджы]]''' — часткай [[Баўгарыя|Баўгарыі]]. Румынская Дабруджа знаходзіцца паміж ніжнім [[Дунай|Дунаем]] і [[Чорнае мора|Чорным морам]] і ўключае дэльту Дуная і румынскае ўзьбярэжжа Чорнага мора (баўгарская частка Дабруджы ўключае самую паўночную частку баўгарскага ўзьбярэжжа Чорнага мора). На [[Герб Румыніі|гербе Румыніі]] Дабруджа прадстаўлена ў выглядзе [[дэльфіны|дэльфіна]].

Румынская Дабруджа ўключае паветы (жудзецы) [[жудзец Канстанца|Канстанца]] і [[жудзец Тулча|Тулча]]. Галоўныя гарады — [[Канстанца]], [[Тулча]], [[Меджыдзія]] (Medgidia) і [[Мангалія]] (Mangalia). Баўгарская частка ўключае вобласьць [[Добрыцкая вобласьць|Добрыч]] і часткі абласьцей [[Сілістранская вобласьць|Сілістра]] і [[Варненская вобласьць|Варна]]. Галоўныя гарады — [[Добрыч]] і [[Сілістра]].

За выключэньнем [[Дэльта Дунаю|дэльты Дуная]] — багністага рэгіёна на паўночным усходзе вобласьці, рэльеф Дабруджы пагорысты, зь сярэднімі вышынямі 200—300 м. Вышэйшы пункт — пік Цуцуяту/Грэч (467 м) у горным масіве [[Мэчын]]. [[Плято Дабруджа]] займае большую частку румынскай часткі Дабруджы, у баўгарскай частцы знаходзіцца і плято [[Лудагор'е]]. Возера [[Сютгёль]] — адно з найважнейшых азёраў гэтага рэгіёну.

== Гісторыя ==
У старажытнасьці тэрыторыя Задунаўя была заселена [[Фракійцы|фракійцамі]]. У V стагодзьдзі да н. э. яе занялі [[скіфы]]; у I стагодзьдзі — [[рымляне]]; а з III стагодзьдзя зьведала нашэсьце [[Готы|готаў]], [[Гуны|гунаў]], іншых плямёнаў. З пачатку VI стагодзьдзя тут зьяўляюцца [[славяне]].

[[Файл:StemaDobrogea.jpg|міні|150пкс|зьлева|Герб Дабруджы]]
З утварэньнем [[Першае Баўгарскае царства|Першага Баўгарскага царства]] (у VII стагодзьдзі) Задунаўе ўваходзіць у яго склад. У XI—XII стагодзьдзях належала [[Бізантыя|Бізантыі]]. З канца XII стагодзьдзя — у складзе [[Другое Баўгарскае царства|Другога Баўгарскага царства]]. Паслабленьне апошняга прывяло да ўтварэньня на тэрыторыі Дабруджы ў XIV стагодзьдзі самастойнай фэадальнай дзяржавы, заснавальнікам якой быў [[Балік]]. Па імя яго пераемніка [[Даброціца|Даброціцы]] тэрыторыя атрымала назву Дабруджа.

У канцы 1420-х гг. тэрыторыю Дабруджы захапіла [[Асманская імпэрыя]]. Пасьля [[Расейска-турэцкая вайна 1877—1878 гадоў|Расейска-турэцкай вайны 1877—1878 гадоў]] Паўднёвая Дабруджа адышла да [[Баўгарыя|Баўгарыі]], а Паўночная была перададзена Румыніі. Паводле [[Бухарэсцкая мірная дамова 1913 году|Бухарэсцкай мірнай дамовы 1913 году]] Паўднёвая Дабруджа таксама была перададзена Румыніі, у складзе якой знаходзілася да 1940 году, За выключэньнем 1916—1918 гадоў, калі ўсю тэрыторыю Дабруджы занялі баўгарскія і нямецкія войскі. Паводле [[Краёўская мірная дамова|балгарска-румынскай дамовы]], падпісанага 7 верасьня 1940 году ў горадзе [[Краёва]], Паўднёвая Дабруджа вярнулася да Баўгарыі. У 1947 годзе баўгарска-румынская граніца ў Добруджы была пацьверджана мірнымі дагаворамі паміж Баўгарыяй і Румыніяй.

== Вонкавыя спасылкі ==
{{Commons}}

{{Гістарычныя вобласьці Румыніі}}

[[Катэгорыя:Дабруджа| ]]