Прагляд крыніцы для Андрэй Неміровіч

{{Шляхціч}}
'''Андрэ́й Неміро́віч''' гербу [[Ястрабец (герб)|Ястрабец]]<ref>[https://archive.today/20130113171136/http://akromer.republika.pl/herby_hetmani.html#pl Mały herbarz A. Kromera i przyjaciół: Herby hetmanów Rzeczypospolitiej]</ref> (1462—1541) — [[гетман польны літоўскі]] ад 1535, ваявода [[кіеў]]скі ад 1514.

== Жыцьцяпіс ==
У 1508—1509 гадах быў прыдворным. У 1509 г. узгадваецца ў дакумэнтах як [[мазыр]]скі намесьнік і займаў гэтую пасаду прынамсі да 1511 году. У 1511 г. ён зьмяніў Цімафея Капусту на пасадзе намесьніка ў [[Чаркасы|Чаркасах]] (прабыў прынамсі да 1512 г.), з 1514 г. прызначаны [[Юры Радзівіл «Геркулес»|Юрыем Радзівілам]] на кіеўскага ваяводу. Як кіеўскі ваявода, ён засяродзіў сваю дзейнасьць на адносінах з [[Крымскае ханства|Крымскім ханствам]] і абароне Кіеўскага ваяводзтва ад татараў. У 1522 г. займаў пасаду намесьніка Сьвіслацкага, заставаўся ім прынамсі да 1529 году<ref>T. Jaszczołt, ''Ród Niemiry z Wsielubia — Niemirowiczowie i Szczytowie herbu Jastrzębiec do połowy XVI wieku'', [w:] ''Unia w Horodle na tle stosunków polsko-litewskich'', S.Górzynski (red.), Wydawnictwo DiG, Warszawa 2015, s. 213—218</ref>.

Разам з [[Гетман вялікі літоўскі|гетманам вялікім літоўскім]] [[Канстантын Астроскі|Канстантынам Астроскім]] і старостам [[Чаркасы|чаркаскім]] [[Яўстах Дашкевіч|Яўстахам Дашкевічам]] 27 студзеня 1527 году здабыў вялікую перамогу над [[Татары|татарамі]] ў [[Альшаніцкая бітва|бітве пад Альшаніцай]], дзе палегла каля 24 тысячаў татараў і было вызвалена 80 тысячаў [[ясыр]]у.

Падчас [[Вайна Маскоўскай дзяржавы з Вялікім Княствам Літоўскім (1534—1537)|маскоўска-літоўскай вайны]] 1534—1537 г. ён камандаваў 20 000 войскам, спрабуючы вызваліць [[Ноўгарад-Северскі]].

Пад яго камандаваньнем войска спрабавала захапіць крэпасьць. Аднак з-за памылкі войскі трапілі пад агонь уласнай артылерыі. Контратака абаронцаў крэпасьці прывяла да зьнішчэньня большасьці літоўскіх сілаў. Сам Неміровіч сышоў з паразай.

Вясной 1535 г. быў прызначаны літоўскім польным гетманам.

У 1537 годзе ў замку ў Кіеве Андрэй Неміровіч прыняў Станіслава Станіслававіча Давойну, пазьнейшага ваяводу Полацкага, якога ён зрабіў сваім спадчыньнікам. Падчас маскоўска-літоўскай вайны 1558—1570 пасьля захопу крэпасьці ў [[Полацак|Полацку]] ў 1563 годзе Станіслаў Давойна трапіў разам з сваяком Андрэя Неміровіча — Міколаем Няміровічам-Шчытом на шмат гадоў у палон да [[Іван Жахлівы|Івана Жахлівага]].

== Сям’я ==
Сын Якуба Неміровіча і Сьвятаславы ([[удава]] Андрэя Даўгерда, сына [[Ваяводы віленскія|віленскага ваяводы]] [[Ян Даўгерд|Яна Даўгерда]]). Унук Андрэя (Андрушкі) Неміровіча, праўнук [[Ян Няміра|Яна Няміры]] з [[Уселюб]]у.

Андрэй Неміровіч быў двойчы жанаты:
* з Ганнай (памерла да 1528 г.), удавой князя Лукомскага (бабуля [[Ваяводы полацкія|ваяводы Полацка]] [[Мікалай Дарагастайскі|Мікалая Дарагастайскага]])<ref>T. Jaszczołt, ''Ród Niemiry z Wsielubia — Niemirowiczowie i Szczytowie herbu Jastrzębiec do połowy XVI wieku'', [w:] ''Unia w Horodle na tle stosunków polsko-litewskich'', S.Górzynski (red.), Wydawnictwo DiG, Warszawa 2015, s. 214</ref>.
* зь Мілохнай Дашкевіч, сястрой Яўстахія Дашкевіча.

У літаратуры Андрэю Неміровічу часам прыпісваюць герб Гоздава замест Ястрабца, блытаюць [[Ліцьвіны|літоўскі]] род [[Неміровічы|Неміровічаў]] (а таксама яго галіну: Неміровічаў-Шчытаў) з гербам Ястрабец з родам Неміраў гербу Гоздава з [[Падляшша]]. Таксама няправільна адзначана, што ён быў сынам Якуба Янавіча Неміровіча, берасьцейскага старосты, замест Якуба Андрэевіча Неміровіча<ref>T. Jaszczołt, ''Ród Niemiry z Wsielubia — Niemirowiczowie i Szczytowie herbu Jastrzębiec do połowy XVI wieku'', [w:] ''Unia w Horodle na tle stosunków polsko-litewskich'', S.Górzynski (red.), Wydawnictwo DiG, Warszawa 2015, s. 181 i 215</ref>.

== Крыніцы ==
{{Крыніцы}}

{{Бібліяінфармацыя}}

{{САРТЫРОЎКА_ПА_ЗМОЎЧВАНЬНІ:Неміровіч, Андрэй}}
[[Катэгорыя:Гетманы польныя літоўскія]]
[[Катэгорыя:Сьвецкія сэнатары Вялікага Княства Літоўскага]]
[[Катэгорыя:Ваяводы кіеўскія (ВКЛ)]]
[[Катэгорыя:Удзельнікі маскоўска-літоўскай вайны 1512—1522 гадоў (літоўска-польскі бок)]]
[[Катэгорыя:Нарадзіліся ў 1462 годзе]]
[[Катэгорыя:Памерлі ў 1541 годзе]]