MIDP

Зьвесткі зь Вікіпэдыі — вольнай энцыкляпэдыі

MIDPMobile Information Device Profile/Профіль для мабільнай прылады з інфармацыйнымі функцыямі (плятформа Java ME). MIDP вызначае паняцьце мідлета (MIDlet) — кампактнага прыкладаньня на мове Java, мелага невялікі памер (звычайна меней 100 кілябайт), што робіць яго прыдатным для перадачы па сетцы і ўсталёўкі на мабільнай прыладзе.

Спэцыфікацыя MIDP вызначае наступныя функцыі:

  • жыцьцёвы цыкл мідлета (усталёўка, выдаленьне, абнаўленьне, запуск, прыпынак, паўза, аднаўленьне працы)
  • бясьпека і аўтарызацыя доступу да абароненых функцый (напрыклад, камунікацыйным)
  • графічны інтэрфэйс (у тым ліку нізкаўзроўневы, прыдатны для праграмаваньня гульняў)
  • увод каманд карыстача (напрыклад, пасродкам клявіятуры)

Спэцыфікацыя MIDP знаходзіцца ў сталым разьвіцьці. У цяперашні час існуюць наступныя вэрсіі:

  • MIDP 1.0 (JSR 37) — арыгінальная спэцыфікацыя, ухваленая і апублікаваная ў верасьні 2000 году, якая забясьпечвае асноўныя функцыянальныя магчымасьці, патрабаваныя мабільнымі прыкладаньнямі, уключаючы асноўны карыстацкі інтэрфэйс і бясьпека сеткі. Гэтая вэрсія лічыцца састарэлай і паступова выходзіць з ужываньня, хоць на рынку па ранейшым зьяўляюцца прылады, якія падтрымліваюць MIDP 1.0 (у асноўным мабільныя тэлефоны пачатковага ўзроўню, папулярныя ў азіяцкіх краінах).
  • MIDP 2.0 (JSR 118) — перапрацаваная вэрсія MIDP 1.0 спэцыфікацыі, ухваленая і апублікаваная ў лістападзе 2002 году, Новыя асаблівасьці ўключаюць пашыраны карыстацкі інтэрфэйс, мультымэдыя і функцыянальныя магчымасьці гульняў, палепшаныя функцыі ўсталёўкі прыкладаньняў па сетцы (OTA — over-the-air provisioning), і ўзмоцненую і гнуткую сыстэму бясьпекі (end-to-end security). MIDP 2.0 сумяшчальны з MIDP 1.0, і таксама прызначаецца для мабільных прыладаў, такіх як мабільныя тэлефоны і КПК. У цяперашні час гэтая вэрсія зьяўляецца дамінуючай і падтрымліваецца большасьцю сучасных мабільных прыладаў.
  • MIDP 3.0 (JSR 271) — наступнае разьвіцьцё профілю MIDP. У цяперашні час гэтая спэцыфікацыя знаходзіцца ў стадыі распрацоўкі ў рамках Java Community Process. Дэталі гэтай спэцыфікацыі пакуль не апублікаваныя, паколькі экспэртная група яшчэ ня скончыла сваю працу. Ініцыятарам і лідэрам экспэртнай групы зьяўляецца кампанія Motorola.

Глядзіце таксама[рэдагаваць | рэдагаваць крыніцу]

  • CLDCканфігурацыя, на якой, як правіла, грунтуецца MIDP
  • Java ME — апісаньне плятформы мабільнай Java
  • Sun Java Wireless Toolkit — базавы набор сродкаў для распрацоўкі праграм для мабільнай Java

Вонкавыя спасылкі[рэдагаваць | рэдагаваць крыніцу]