Яганэс Тынэс Бё

Яганэс Тынэс Бё

Агульная інфармацыя

Грамадзянства

Нарвэгія

Нарадзіўся

16 траўня 1993^[1] (31 год)

Струн^[d], Согнэ-ог-Ф'юранэ, Нарвэгія

Рост

187 см

Вага

80 кг

Тытулы

Алімпійскі чэмпіён

5

Алімпійскіх подыюмаў

8

Чэмпіён сьвету

20

Кубак сьвету

5 (2019,2020,2021,2023,2024)

Малы Кубак сьвету

12

Кубак сьвету
(у тым ліку Алімпійскія гульні)

Перамог

122

Подыюмаў

194

Мэдалі
Алімпійскія гульні
Золата	Пхёнчхан-2018	Індывідуальная
Золата	Пэкін-2022	Мяш. эстафэта
Золата	Пэкін-2022	Спрынт
Золата	Пэкін-2022	Эстафэта
Золата	Пэкін-2022	Мас-старт
Срэбра	Пхёнчхан-2018	Мяш. эстафэта
Срэбра	Пхёнчхан-2018	Эстафэта
Бронза	Пэкін-2022	Індывідуальная
Чэмпіянат сьвету
Золата	Кантыялахці-2015	Спрынт
Золата	Осьлё-2016	Эстафэта
Золата	Осьлё-2016	Мас-старт
Золата	Эстэрсунд-2019	Мяш. эстафэта
Золата	Эстэрсунд-2019	Спрынт
Золата	Эстэрсунд-2019	Сынгл-мікст
Золата	Эстэрсунд-2019	Эстафэта
Золата	Антгольц-Антэрсэльва-2020	Мяш. эстафэта
Золата	Антгольц-Антэрсэльва-2020	Сынгл-мікст
Золата	Антгольц-Антэрсэльва-2020	Мас-старт
Золата	Паклюка-2021	Мяш. эстафэта
Золата	Паклюка-2021	Эстафэта
Золата	Обэргаф-2023	Мяш. эстафэта
Золата	Обэргаф-2023	Спрынт
Золата	Обэргаф-2023	Перасьлед
Золата	Обэргаф-2023	Індывідуальная
Золата	Обэргаф-2023	Сынгл-мікст
Золата	Новэ-Места-2024	Перасьлед
Золата	Новэ-Места-2024	Індывідуальная
Золата	Новэ-Места-2024	Мас-старт
Срэбра	Кантыялахці-2015	Эстафэта
Срэбра	Гохфільцэн-2017	Спрынт
Срэбра	Гохфільцэн-2017	Перасьлед
Срэбра	Гохфільцэн-2017	Мас-старт
Срэбра	Эстэрсунд-2019	Перасьлед
Срэбра	Антгольц-Антэрсэльва-2020	Перасьлед
Срэбра	Антгольц-Антэрсэльва-2020	Індывідуальная
Срэбра	Антгольц-Антэрсэльва-2020	Эстафэта
Срэбра	Паклюка-2021	Сынгл-мікст
Срэбра	Обэргаф-2023	Эстафэта
Срэбра	Новэ-Места-2024	Мяш. эстафэта
Срэбра	Новэ-Места-2024	Спрынт
Срэбра	Новэ-Места-2024	Эстафэта
Бронза	Кантыялахці-2015	Мяш. эстафэта
Бронза	Осьлё-2016	Мяш. эстафэта
Бронза	Паклюка-2021	Перасьлед
Бронза	Обэргаф-2023	Мас-старт
Бронза	Новэ-Места-2024	Сынгл-мікст

Яга́нэс Ты́нэс Бё (па-нарвэску: Johannes Thingnes Bø) — нарвэскі біятляніст, які зважаецца адным з найлепшых біятляністаў сьвету. Здабываў Кубак сьвету па біятлёне ў 2019, 2020, 2021, 2023 і 2024 гадах. Акрамя таго здабываў залатыя мэдалі на зімовых Алімпійскіх гульнях 2018 і 2022 гадоў^[2]. Ягоны старэйшы брат Тар’ей таксама ёсьць біятляністам.

Кар’ера

Ужо маладзёнам спартовец пасьпяхова спаборнічаў у сваім узросьце, некалькі разоў становячыся моладзевым чэмпіёнам сьвету.

Першая перамога на этапе Кубка сьвету адбылася 14 сьнежня 2013 году ў спрынтарскай гонцы на трэцім этапе ў Ансі. На наступны дзень Бё аформіў дубль, выйграўшы таксама гонку перасьледу. Спартовец браў уздел у зімовых Алімпійскіх гульнях 2014 году, але там быў толькі восьмым у гонцы масавага старту. У 2015 годзе на чэмпіянаце сьвету ў Кантыялахці атрымаў перамогу ў спрынце. Праз год на сусьветным пяршынстве здабыў ужо два залатых мэдаля, а яшчэ праз год — яшчэ тры.

У сэзоне Кубка сьвету 2017—2018 гадоў нарвэжац быў блізкі да таго, каб упершыню ў кар’еры стаць пераможцам у агульным заліку, але быў толькі другім пасьля Мартэна Фуркада. Зважаючы на зацятую барацьбу ў папярэднім сэзоне, Бё лічыўся адным з фаварытам сэзону 2018—2019 гадоў. Гэты спартовы год пачаўся няблага для біятляніста. Бё здабыў перамогу ў пачатковай спрынтскай гонцы^[3] ды выйграў шэсьць з васьмі індывідуальных гонак Кубка сьвету да Калядаў. Назьбіраўшы 428 пунктаў у васьмі гонках, ён меў перавагу ў 116 пунктаў над Аляксандрам Логінавым, які быў другім. Пасьля Калядаў спартовец працягнуў браць перамогі. Здабыўшы перамогі ў 13 гонак цягам сэзону ўжо за тры гонкі Бё забясьпечыў сабе крыштальным глёбусам як пераможцам агульнага заліку Кубка сьвету.

У наступным сэзоне спартовец пастанавіў сканцэнтравацца на чэмпіянаце сьвету, які ладзіўся ў Антгольцы-Антэрсэльвы. У Кубку сьвету спартовец ня ставіў важных задачаў, бо ў студзені 2020 году мусіў прапусьціць праз сыход у адпачынак па догляду за дзіцём^[4]. Тым ня менш у першай палове Кубка сьвету нарвэжац зноў дамінаваў у першынстве, здабыўшы пяць перамогаў у сямі індывідуальных гонках, чым забясьпечыў перавагу перад сваім братам Тар’ей, які быў на другім радку перад Калядамі. На пачатку 2020 году Бё стаў самым пасьпяховым спартоўцам сярод мужчынаў на чэмпіянаце сьвету з шасьцю мэдалямі, у тым ліку трыма ў асабістых спаборніцтвах^[5]. Тым ня менш, пачатак чэмпіянату быў няўдалым, пераважна праз адсутнасьць практыкі ў студзені. Пасьля чэмпіянату Бё працягнуў добрыя выступы на Кубку сьвету, чым здабыў свой другі тытул.

На чэмпіянаце сьвету 2021 году ў Паклюке нарвэжац узяў золата ў зьмяшанай эстафэце. У пагоні ён быў толькі трэцім, а ў спранце і індывідуальнай гонцы застаўся без мэдалёў. Тым ня менш Кубак сьвету скарыўся спартоўцу ўжо трэці раз запар у тым сэзоне. На зімовых Алімпійскіх гульнях 2022 году ў Пэкіне Бё стаў самым пасьпяховым атлетам ва ўсіх відах спорту. Ён здабыў 4 залатыя мэдалі ў спрынце, масавым старце, эстафэце і зьмяшанай эстафэце ды ўзяў бронзавы мэдаль у індывідуальнай гонцы. Толькі ў гонцы перасьледу Бё чакала няўдача, бо сем разоў ня здолеў трапна пацэліць, адкаціўшыся на пятае месца і прагуляўшны чэмпіёну Кентэну Фіё-Мае больш за дзьве хвіліны.

На чэмпіянаце сьвету 2023 году, які ладзіўся ў Нямеччыне з 8 да 19 лютага, Яганэс Тынэс Бё здабыў сем мэдалёў, што да гэтага не рабіў аніводны біятляніст. У 2024 годзе як і ў папярэдні сэзон спартовец стаў пераможцам Кубка сьвету.

Крыніцы

^ ^а ^б ^в https://www.teamnor.no/profiler/skiskyting/johannes-thingnes-bo/
^ «Athlete profile for Johannes Thingnes BOE». IBU.
^ «Thingnes Bø tok åpningsseieren på Sjusjøen». Langrenn.com.
^ «Punkterer en baby alle tiders tvekamp?». TV 2.
^ «Johannes Bø knuser rivalerne og sætter VM-rekord». TV 2.

Вонкавыя спасылкі

Профіль (анг.) на FIS
Старонка на IBU.

[_e4b1a8f5a6d9888d-1] а ^б ^в https://www.teamnor.no/profiler/skiskyting/johannes-thingnes-bo/

[2] «Athlete profile for Johannes Thingnes BOE». IBU.

[3] «Thingnes Bø tok åpningsseieren på Sjusjøen». Langrenn.com.

[4] «Punkterer en baby alle tiders tvekamp?». TV 2.

[5] «Johannes Bø knuser rivalerne og sætter VM-rekord». TV 2.

[1]

[2]

[3]

[4]

[5]