Э. Ч. Асонду
| Э. Ч. Асонду | |
| E. C. Osondu | |
| Асабістыя зьвесткі | |
|---|---|
| Нарадзіўся | XX стагодзьдзе |
| Літаратурная дзейнасьць | |
| Род дзейнасьці | пісьменьнік |
| Жанр | кароткае апавяданьне |
| Мова | ангельская мова і Nigerian Pidgin[d] |
| Прэміі | Прэмія імя Кейна (2009) |
| Узнагароды | |
Э. Ч. Асонду (па-ангельску: E. C. Osondu) — нігерыйскі пісьменьнік, знакаміты сваімі кароткімі апавяданьнямі. Творы Асонду публікаваліся ў такіх часоісах, як «Agni», «Guernica», «Vice», «Fiction», і «The Atlantic». У 2010 годзе ў Э. Ч. Асонду выйшла першая кніга апавяданьняў «Голас Амэрыкі» (анг. Voice of America).
У 2007 годзе яго апавяданьне «Jimmy Carter’s Eyes» выйшла ў фінал афрыканскай прэміі імя Кейна, а ў 2009 за апавяданьне «У чаканьні» (анг. Waiting) пісьменьнік стаў прызёрам гэтае прэміі[1].
Жывучы ў Нігерыі, працаваў рэклямным капірайтарам. У 2008 годзе ён атрымаў стыпэндыю ад Сыракускага ўнівэрсытэту, а з 2010 году працуе старэйшым выкладчыкам ва ўнівэрсытэце Провідэнса ў Род-Айлэндзе.
«У чаканьні», апублікаванае ў кастрычніку 2008 часопісам «Guernica magazine», апавядае пра жыцьцё ў лягеры для ўцекачоў вачыма юнага хлопчыка. Акрамя грашовага прызу ў £10 000, прэмія імя Кейна таксама ўзычыла Асонду магчымасьць месячнага пражываньня ў Джорджтаўнскім унівэрсытэце ў Вашынгтоне.
Крыніцы
[рэдагаваць | рэдагаваць крыніцу]- ^ Прэмія імя Кейна за твор афрыканскага аўтара. ПрайдзіСвет (10 ліпеня 2009). Праверана 15 траўня 2011 г.