Шатляндзкая нацыянальная партыя
| Шатляндзкая нацыянальная партыя | |
 | |
| Лідэр партыі | John Swinney[d] |
|---|---|
| Дата заснаваньня | 7 красавіка 1934 |
| Штаб-кватэра | |
| Ідэалёгія | шатляндзкая незалежнасьць[d], сацыял-дэмакратыя[d], шатляндзкі нацыяналізм[d] і праэўрапеізм[d] |
| Колькасьць | 72 186[1] |
| Афіцыйны сайт | snp.org (анг.) |
Шатляндзкая нацыянальная партыя (па-англа-шатляндзку: Scots National Pairty; па-гэльску: Pàrtaidh Nàiseanta na h-Alba) — нацыяналістычная і сацыял-дэмакратычная палітычная партыя Шатляндыі. ШНП кіруецца шатляндзкім нацыяналізмам і падтрымлівае кампанію руху да незалежнасьці Шатляндыі ад Вялікабрытаніі і сяброўства навастворанай краіны ў Эўрапейскім Зьвязе[2][3][4]. Партыя ёсьць найбуйнейшай палітычная партыяй Шатляндыі, маючы вялікую колькасьць месцаў ня толькі ў парлямэнце Шатляндыі, але і ў парлямэнце Вялікабрытаніі. Тым ня менш на агульнабрытанскім узроўні саступае Кансэрватыўнай і Лейбарысцкай партыям. Цяперашні лідэр партыі — Нікола Стэрджэн, якая займае пасаду першага міністра Шатляндыі з 20 лістапада 2014 году. ШНП была заснаваная ў 1934 годзе, а прадстаўніцтва ў парлямэнце Вялікабрытаніі мае з 1967 году[5]. Па вылучэньні асобнага парлямэнту Шатляндыі партыя звычайна займае другое месца. Паводле вынікаў выбараў у парлямэнт Шатляндыі 2011 году нацыяналісты ўпершыню атрымалі большасьць і сталі кіроўнай партыяй. У выніку партыя ў 2014 годзе ініцыявала рэфэрэндум аб незалежнасьці Шатляндыі, які, аднак, праваліўся праз перамогу прыхільнікаў зьвязу Вялікабрытаніі. Партыя ёсьць сябрам Эўрапейскага свабоднага альянсу.
Крыніцы
[рэдагаваць | рэдагаваць крыніцу]- ^ https://www.scotsman.com/news/politics/snp-finally-releases-current-membership-figures-showing-huge-drop-since-2021-4067584
- ^ Frans Schrijver (2006). «Regionalism After Regionalisation: Spain, France and the United Kingdom». Amsterdam University Press. — С. 261—290. — ISBN 978-90-5629-428-1.
- ^ Michael O'Neill (22.05.2014). «Devolution and British Politics». Routledge. — С. 92. — ISBN 978-1-317-87365-5.
- ^ Gallardo, Cristina (27.11.2019). «Scottish National Party’s manifesto explained». Politico.
- ^ Heisey, Monica. «Making the case for an „aye“ in Scotland». Alumni Review. Queen’s University.