Шаблён:Ці ведаеце вы/Інструкцыя

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Мэты шаблёну[рэдагаваць крыніцу]

У шаблёне {{Ці ведаеце вы}}, які ўключаецца ў галоўную старонку Вікіпэдыі, зьмяшчаюцца пытаньні пра цікавыя факты з новых артыкулаў беларускай Вікіпэдыі, напісаных за апошні тыдзень у пэрыяд ад 0:00 нядзелі да 23:59 наступнай суботы па беларускім часе. Галоўная мэта шаблёну — зрабіць для чытачоў агляд тэматыкі новых артыкулаў у лёгкай і цікавай форме.

Праект распачаўся 14 лютага 2009 году.

Новыя артыкулы[рэдагаваць крыніцу]

Сьпіс новых старонак можна найсьці на адмысловай старонцы, якая абнаўляецца аўтаматычна. Можна таксама выкарыстоўваць сьпісы значных артыкулаў, якія ствараюцца робатам.

Прапановы[рэдагаваць крыніцу]

Прапанаваць артыкулы можа кожны удзельнік беларускай Вікіпэдыі, у тым ліку незарэгістраваны. Прапановы трэба дадаваць на старонцы абмеркаваньня шаблёну ў асобнай сэкцыі для кожнага тыдня. Можна прапанаваць як свае артыкулы, так і напісаныя іншымі ўдзельнікамі. Дадаваць прапановы можна цягам усяго тыдня, пакуль прапановы не былі перанесеныя ў шаблён галоўнай старонкі. Калі ласка, дадавайце толькі артыкулы, якія маюць зьвесткі пра крыніцы гэтых цікавых фактаў (сэкцыі артыкулаў: «Крыніцы», «Літаратура» або «Вонкавыя спасылкі»). У шаблён не трапляюць артыкулы, якія парушаюць аўтарскія правы.

Варта будаваць пытаньні разнастайным чынам, у першую чаргу для таго, каб рубрыку было цікава чытаць. Добра, калі ў пытаньні не прыводзіцца назва новага артыкулу, але згадваецца пра нейкі цікавы факт зь яго, каб чытач для атрыманьня адказу на пытаньне павінен быў убачыць сам артыкул. Напрыклад, лепш сфармаваць пытаньне наступным чынам:


« ці ведаеце вы, які будынак зьяўляецца самым высокім у сьвеце? »

чым:

« ці ведаеце вы, што Бурдж Халіфа зьяўляецца самым высокім будынкам у сьвеце? »

У рубрыку варта ўключаць артыкулы з розных галінаў чалавечых ведаў, не абавязкова выключна на «беларускую» тэматыку.

Выпраўленьні і варыянты[рэдагаваць крыніцу]

Усе выпраўленьні стылю ці артаграфіі ўжо прапанаваных артыкулаў бягучага тыдня вітаюцца, магчыма нават цалкам перафармуляваць ужо існае пытаньне, калі новы варыянт будзе лепшым за папярэдні.

Абнаўленьне[рэдагаваць крыніцу]

Найлепшым варыянтам будзе, калі прапановы будуць падрыхтаваныя да вечара суботы. Удзельнікі павінны мець магчымасьць на працягу некалькіх гадзін прачытаць прапановы і, у выпадку неабходнасьці, палепшыць або дапоўніць іх. Калі колькасьць новых прапановаў невялікая, усе зь іх могуць быць перанесеныя на шаблён галоўнай старонкі. Абнаўленьне шаблёну палягае ў зьмяненьні ўсяго старога зьместу шаблёну новым. Звычайна шаблён абнаўляецца штонядзелю, але ў выпадку адсутнасьці часу гэта таксама можна зрабіць і пазьней, напрыклад, у панядзелак. Пры наяўнасьці вельмі вялікай колькасьці прапановаў варта будзе аддаць перавагу найбольш цікавым зь іх. Звычайна шаблён абнаўляюць адміністратары.

Магчымая сытуацыя, калі цягам тыдня была напісаная недастатковая колькасьць артыкулаў для ўключэньня ў шаблён. У такім выпадку дапушчаецца адкласьці абнаўленьне шаблёну на тыдзень, каб уключыць у яго новыя артыкулы за два тыдні.