Чорная мэталюргія

Чорная мэталюргія — аснова разьвіцьця машынабудаваньня (адна трэць адлітага мэталу з доменнай печы, ідзе ў машынабудаваньне) і будаўніцтва (1/4 мэталу ідзе ў будаўніцтва). Асноўнай зыходнай сыравінай для атрыманьня чорных мэталаў зьяўляюцца жалезная руда, манган, каксавальныя вуглі і руды легавальных мэталаў.

Склад

У склад чорнай мэталюргіі ўваходзяць наступныя асноўныя галіны:

• здабыча і ўзбагачэньне руд чорных мэталаў (жалезная, хромавая і манганавая руда);
• здабыча і ўзбагачэньне няруднай сыравіны для чорнай мэталюргіі (флюсовых вапнякоў, вогнетрывалых глін і т. п.);
• вытворчасьць чорных мэталаў (чыгуну, вугляродзістай сталі, пракату, мэталічных парашкоў чорных мэталаў);
• вытворчасьць сталёвых і чыгунных труб;
• коксахімічная прамысловасьць (вытворчасьць коксу, коксавага газу і інш);
• другасная апрацоўка чорных мэталаў (разьдзелка лому і адходаў чорных мэталаў).

Глядзіце таксама

• Каляровая мэталюргія
• Мэталюргія
• Пракатка

Літаратура

• Хімічны слоўнік навучэнца. Мн., «Народная асвета», 2004, С.270