Царква-крэпасьць Сынковічы (манэта)

Гэта артыкул пра памятную манэту. Калі вам патрэбны артыкул пра Царква Сьвятога Міхаіла (Сынковічы), глядзіце артыкул Царква Сьвятога Міхаіла (Сынковічы).

Памятная манэта «Царква-крэпасьць Сынковічы» — беларускія юбілейныя манэты Нацыянальнага банку Беларусі, уведзеныя ў абарачэньне 16 кастрычніка 2000 году. Манэты выбітыя са срэбра — наміналам 20 рублёў і медна-нікелевая — 1 рубель.

Наміналы

Срэбраная

проба срэбра: 925
намінал: 20 рублёў
вага манэты: 33.63 г
вага чыстага срэбра: 31.1 г
дыямэтар: 38.61 мм
якасьць: «пруф»
наклад: 2000 асобнікаў
кошт продажу ў НББ — 122 500 руб. бяз футляру

Медна-нікелевая

намінал: 1 рубель
вага манэты: 13.16 г
дыямэтар: 32 мм
якасьць: «пруф-лайк»
наклад: 2000 асобнікаў
кошт продажу ў НББ — 5 420 руб. бяз футляру

Апісаньне

Манэта мае выгляд круга, рант манэты мае рыфленьне.

Авэрс: у коле, з геамэтрычным арнамэнтам, — выява дзяржаўнага гербу Беларусі, долу зьмешчаны год біцьця, для срэбра — чыстая вага каштоўнага мэталю і проба; па колу — надпісы: з гары — «РЭСПУБЛІКА БЕЛАРУСЬ», долу — «ДВАЦЦАЦЬ РУБЛЁЎ» на срэбранай і «АД3ІН РУБЕЛЬ» — на медна-нікелевай.
Рэвэрс: па цэнтру — выява Царквы-крэпасьці Сынковічы; зьлева долу выява ў выглядзе старажытнай пячаткі з датаю: XV—XVI; з гары — надпіс у тры радкі: «ПОМНІКІ АРХІТЭКТУРЫ БЕЛАРУСІ»; долу надпіс у два радкі: «ЦАРКВА-КРЭПАСЦЬ» і «СЫНКОВІЧЫ».

Дызайн

Тацьцяна Радзівілка — авэрс
Т. Катовіч — рэверс

Мынца

АТ «Мынца Польская» (Варшава).

Крыніцы

Нацыянальны банк Рэспублікі Беларусі