Фёдар Турук

Фёдар Турук
Дата нараджэньня	20 лютага 1889(1889-02-20) або 8 лютага 1889(1889-02-08)
Месца нараджэньня	Балотца, Наваградзкі павет, Менская губэрня, Расейская імпэрыя
Дата сьмерці	20 ліпеня 1960(1960-07-20) (71 год)
Месца сьмерці	Масква, СССР
Месца пахаваньня	Ваганькаўскія могілкі[d]
Месца вучобы	Пецярбурскі гісторыка-філялягічны інстытут[d] Пецярбурскі археалягічны інстытут[d]
Занятак	палітык, гісторык
Месца працы	БДУ
Сябра ў	Беларускі нацыянальны камісарыят і Беларускае пралетарскае студэнцкае зямляцтва[d]

Фёдар Фёдаравіч Турук (20 лютага 1889, вёска Балотца Наваградзкага павету — 20 ліпеня 1960) — беларускі гісторык і грамадзкі дзеяч. Прафэсар (1921).

У 1915 скончыў гістарычна-філялягічны і археалягічны інстытут у Петраградзе. Выкладаў у гімназіях Менску і Масквы, а з сакавіка 1918 загадваў аддзелам Беларускага нацыянальнага камісарыяту. Адзін з арганізатараў Беларускага народнага ўнівэрсытэту і Беларускага навуковага таварыства ў Маскве. 3 1919 працаваў загадчыкам беларускага пададдзела аддзела асьветы РСФСР; садзейнічаў выхаду ў сьвет першага зборніка Янкі Купалы на расейскай мове «Выбраныя вершы ў перакладах расейскіх паэтаў», які выдадзены ў 1919. Прымаў удзел у арганізацыі Беларускага дзяржаўнага ўнівэрсытэта, з 1921 ягоны прафэсар. 3 1923 выкладнік Камуністычнага ўнівэрсытэту нацыянальных меншасьцяў Захаду ў Маскве. У 1923—1955 прафэсар ВНУ Масквы.

Беларускі Рух, Ф. Турук, 1921

Аўтар працаў па гісторыі Беларусі. У кнізе «Беларускі рух» (1921) гісторыю Беларусі разглядаў з аб’ектывісцкіх пазыцыяў. Аўтар прадмовы і складальнік «Курса беларусазнаўства» (1918—1920).

Літаратура

• Памяць: Гіст.-дакум. хроніка Мінска. У 4 кн. Кн. 2-я. — Мн.: БЕЛТА, 2002. — 714 с.: іл. ISBN 985-6302-46-3.