Тухольскія бары

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Каардынаты: 53°49′20″ пн. ш. 17°54′51″ у. д. / 53.82222° пн. ш. 17.91417° у. д. / 53.82222; 17.91417

Тухольскія бары на мапе Польшчы (пазначаны касой штрыхоўкай)
Дрэвы ў нацыянальным парку

Тухольскія бары (па-польску: Bory Tucholskie) — буйны сасновы масіў у раёне гораду Тухоля на поўначы Польшчы, у міжрэччы Брды і Уды. Тут знаходзіцца Нацыянальны парк «Тухольскія бары», уключаны ў 2010 годзе ў праграму ЮНЕСКА «Чалавек і біясфэра»[1].

Ляндшафт[рэдагаваць | рэдагаваць крыніцу]

Рэгіён сфармаваўся на працягу апошняга ледавіковага пэрыяду. Пераважна складаецца зь невысокіх узгоркаў і больш як 900 паледавіковых азёраў. Галоўнымі рэкамі бароў зьяўляюцца Брда й Вда. Плошча лесу складае каля 3200 км², што робіць яго адным з найбуйнешых лясных масіваў у Польшчы і Цэнтральнай Эўропе. У 1996 годзе на частцы тэрыторыі плошчай 46,3 км² быў створаны Нацыянальны парк «Тухольскія бары». Прыкладна 30% тэрыторыі заселена народнасьцю Кацевяцы (Kociewiacy). Найбуйнейшыя гарады на тэрыторыі Тухоля і Чэрск.

Гісторыя[рэдагаваць | рэдагаваць крыніцу]

У часы Нямецкай імпэрыі на тэрыторыі лесу знаходзілася ваенная база для мэдыцынскіх дасьледаваньняў.

У 1939 годзе, падчас уварваньня ў Польшчу ў пачатку Другой сусьветнай вайны, у лясах разгарнулася бітва ў Тухольскіх барох.

Неўзабаве нямецкія войскі акупавалі тэрыторыю былой дасьледчай базы, і далі ёй назву Truppenübungsplatz Westpreußen, або Heidekraut[2].

Са жніўня 1944 году па студзень 1945 году, войскі СС пад камандаваньнем Ганса Камлера і Вальтэра Дорнбэргера праводзілі тэсты ракеты ФАУ-2. Іх група была эвакуіравана ў студзені 1945 году да таго, як войскі Чырвонай Арміі вызвалілі гэту тэрыторыю.

Пасьля Другой сусьветнай вайны лес служыў прытулкам для многіх антыкамуністычных партызан.

Праграма «Чалавек і біясфэра»[рэдагаваць | рэдагаваць крыніцу]

У чэрвені 2010 году Тухольскія бары былі вылучаны ў адмысловую тэрыторыю ў рамках праграмы ЮНЕСКА «Чалавек і біясфэра». У ключавую зону ўвайшоў Нацыянальны парк «Тухольскія бары», а таксама 25 прыродных запаведнікаў, разьмешчаных у буфэрнай зоне. У буфэрную зону ўвайшлі рэгіянальныя ляндшафтныя паркі Тухольскі, Удэцкі, Удыдзкі і Заборскі. Таксама вылучана пераходная зона, якая ўключае горад Тухоля з навакольлямі. Ключавая зона пакрывае 78.8 км², а ўсе тры зоны разам 3,195 км²[3].

Крыніцы[рэдагаваць | рэдагаваць крыніцу]

  1. ^ Tuchola Forest profile on www.unesco.org(анг.)
  2. ^ Heinz Guderian: Erinnerungen eines Soldaten, «Ich hatte am 3.9 … meinen Sohn Kurt wiedergesehen und mich dabei an den Türmen von Kulm, meiner Geburtsstadt, erfreut, die vom Ostufer der Weichsel herüberwinkten. Am 4.9 … bei ihren Waldgefechten und endete auf dem alten deutschen Truppenübungsplatz Gruppe westlich Graudenz.», 1951, [1](ням.)
  3. ^ Website of Website of the Tuchola Forest Biosphere Reserve(пол.)

Вонкавыя спасылкі[рэдагаваць | рэдагаваць крыніцу]

Commons-logo.svg Тухольскія барысховішча мультымэдыйных матэрыялаў