Трахіт
Трахіт (па-грэцку: trachys — «шурпаты, няроўны») — эфузіўная сярэдняя горная парода лужнага шэрагу (SiO2 52—65%). Галоўным кампанэнтам зьяўляецца каліевы палявы шпат, які пераважае над кіслым плагіяклязам; зь цёмнаколерных мінэралаў прысутнічаюць у невялікай колькасьці біятыт, а таксама амфібол і піраксэн.
Колер — шаравата-белы, шэры, ружовы, жоўты або карычняваты. Структура — парфіравая, схаванакрышталічная. Тэкстура — сітаватая, флюідальная. Удзельная вага 2,5 г/см³.
Форма заляганьня — патокі, купалы, шчытападобнай вульканы, невялікія гіпабісальня інтрузіі і дайкі.
Літаратура
[рэдагаваць | рэдагаваць крыніцу]- Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2002. — Т. 15: Следавікі — Трыо. — 552 с. — ISBN 985-11-0251-2