Сёмуха (манэта)

Манэта «Сёмуха», 20 рублёў, рэвэрс

Манэта «Сёмуха», 20 рублёў, авэрс

Па́мятная манэ́та «Сёмуха» — беларускія юбілейныя манэты Нацыянальнага банку Беларусі, уведзеныя ў абарачэньне 7 чэрвеня 2006 году. Манэта выбітая з срэбра — наміналам 20 рублёў — і медна-нікелевая — 1 рубель.

Манэта ўваходзіць у сэрыю Сьвяты і абрады беларусаў.

Наміналы

Срэбраная

• проба срэбра: 925
• намінал: 20 рублёў
• вага манэты: 33.62 г
• вага чыстага срэбра: 31.1 г
• дыямэтар: 38.61 мм
• манэта аксыдаваная з устаўкаю (сынтэтычны крышталь)
• якасьць: «анцыркулэйтэд»
• наклад: 5000 асобнікаў
• кошт продажу ў НББ — 53 020 руб. бяз футляру

Медна-нікелевая

• намінал: 1 рубель
• вага манэты: 16 г
• дыямэтар: 33 мм
• якасьць: «анцыркулэйтэд»
• наклад: 5000 асобнікаў
• кошт продажу ў НББ — 7 760 руб. бяз футляру

Апісаньне

Манэта мае выгляд круга, рант манэты мае рыфленьне.

• Авэрс: у коле, з геамэтрычным арнамэнтам, — выява дзяржаўнага гербу Беларусі, у цэнтры — саляны знак з васьміканцовай геамэтрычнай фігуры з элемэнтамі дэкору, што сымбалізуе сонечныя промні; долу зьмешчаны год біцьця, для срэбра — чыстая вага каштоўнага мэталю і проба; па колу — надпісы: з гары — «РЭСПУБЛІКА БЕЛАРУСЬ», долу — «ДВАЦЦАЦЬ РУБЛЁЎ» на срэбранай і «АД3ІН РУБЕЛЬ» — на медна-нікелевай.

• Рэвэрс: па цэнтру паміж калён — выява сымбаляў Сёмухі — куфаль і вянок зь лістоў бярозы, клёну, рабіны, аеру (на срэбранай манэце ў сярэдзіне куфля зьмешчаны сынтэтычны крышталь зялёнага колеру); зьлева і справа — элемэнты беларускага арнамэнту; долу па колу надпіс: «СЁМУХА».

Дызайн

• Сьвятлана Заськевіч

Мынца

• ЗАТ «Летувіская мынца», Вільня.

Вонкавыя спасылкі

• Нацыянальны банк Рэспублікі Беларусі