Сяргей Далідовіч

Сяргей Далідовіч
Пэрсанальная інфармацыя
Поўнае імя	Сяргей Мікалаевіч Далідовіч
Нарадзіўся	18 траўня 1973 (51 год) Ворша, БССР
Грамадзянства	Беларусь
Рост	175 см
Вага	68 кг
Прафэсійная інфармацыя
Спэцыялізацыя	лыжныя гонкі
Узнагароды і мэдалі Кубак сьвету па лыжных гонках Золата Куопіё-2001 маратон 60 км

Сярге́й Мікала́евіч Далідо́віч (нарадзіўся 18 траўня 1973 году, Ворша, БССР) — беларускі лыжнік, пераможца этапу Кубку сьвету, удзельнік 7 Алімпійскіх гульняў.

Біяграфія

У Кубку сьвету Далідовіч дэбютаваў у 1993 годзе, у сакавіку 2001 году атрымаў сваю першую, і адзіную, перамогу на этапе Кубку сьвету. Акрамя перамогі на сёньняшні момант мае 1 бронзавы мэдаль Кубку сьвету. Найлепшым дасягненьнем Далідовіча ў агульным заліку Кубку сьвету зьяўляецца 31-е месца ў сэзоне 2000—2001.

На Алімпіядзе-1994 у Лілегамэры быў 37-м у гонцы на 30 км вольным ходам, 70-м у гонцы на 10 км клясыкай, 51-м у гонцы перасьледу й 12-м у эстафэце.

На Алімпіядзе-1998 у Нагана заняў 36-е месца ў гонцы на 30 км клясыкай, 31-е месца ў гонцы на 50 км каньком і 14-м у эстафэце, акрамя таго стартаваў у гонцы на 10 км, але не дабраўся да фінішу.

На Алімпіядзе-2002 у Солт-Лэйк-Сіці стартаваў у трох гонках: мас-старт 30 км — 14-е месца, перасьлед 10+10 км — не фінішаваў, эстафэта — 15-е месца.

На Алімпіядзе-2006 у Турыне заняў 12-е месца ў мас-старце на 50 км.

На Алімпіядзе-2010 у Ванкувэры, стартаваў у чатырох гонках: 15 км вольным стылем — 35-е месца, дуатлён 15+15 км — не фінішаваў, камандны спрынт — не фінішаваў, мас-старт 50 км — 25-е месца.

На Алімпіядзе-2014 у Сочы фінішаваў пятым у мас-старце на 50 км.

За сваю кар’еру браў удзел у 9 чэмпіянатах сьвету, найлепшы вынік — 4-е месца ў дуатлёне на 30 км на чэмпіянаце сьвету 2011 гады ў Гольмэнколене. На гэтым чэмпіянаце Сяргей Далідовіч у мас-старце на 50 км упэўнена ішоў у групе лідэраў і фактычна прэтэндаваў на прызавое месца, але за некалькі сот мэтраў да фінішу зваліўся і зламаў палку, у выніку чаго фінішаваў толькі 10-м.

У 2014 годзе ўзнагароджаны Ордэнам Пашаны.

Уключаны ў беларускую зборную на Зімовых Алімпійскіх гульнях 2018 году.

Вонкавыя спасылкі

• Профіль на сайце Міжнароднай фэдэрацыі лыжнага спорту (анг.)
• Алімпійская статыстыка — Sports Reference (анг.)