Сэнэф
Сэнэф (па-француску: Seneffe, па-валёнску: Sinefe) — места і грамада ў Бэльгіі.
Агульныя зьвесткі
[рэдагаваць | рэдагаваць код]Места Сэнэф разьмешчанае ў цэнтральнай частцы Бэльгіі, у акрузе Шарлеруа правінцыі Эно франкамоўнага рэгіёну Валёнія.
З славутасьцяў места варта назваць пабудаваны ў клясычным стылі Сэнэфскі палац і разьмешчаны ў ім музэй ювэлірнага мастацтва Валёніі. Штогод у жніўні ў Сэнэфскім палацы ладзіцца перакладніцкая рэзыдэнцыя, мэтай якой зьяўляецца пераклад і папулярызацыя бэльгійскай літаратуры[1].
Цэнтар Сэнэфу - месца Сэнэфскай бітвы ў 1674 годзе, у якой прынц Люі ІІ дэ Бурбон-Кандэ перамог прынца Вільгельма ІІІ Аранскага пасьля кровапралітнай бітвы[2].
Сэнэф валодае цікавай гідратэхнічнай спадчынай: участак старога каналу Брусэль-Шарлеруа, у тым ліку два тунэлі для караблей, тунэль даўжынёй 1267 м, выкапаны паміж 1828 і 1830 гг.[3]
Крыніцы
[рэдагаваць | рэдагаваць код]- ↑ Les bibliothèques de l’entité de Seneffe, Journées du Patrimoine 2011 «Des pierres et des lettres», Ed. Echevinat du Temps Choisi, https://web.archive.org/web/20240728100317/https://www.seneffe.be/theme_loisirs/culture/bibliotheques/archives/publications/pdf/Dossier%20-%20Journees%20du%20Patrimoine%202011.pdf
- ↑ Fabrizio Schiavetto, Seneffe: un univers d'amour et de poésie, La Capitale, 16.01. 2020, https://www.sudinfo.be/art/502564/article/2020-01-16/seneffe-un-univers-damour-et-de-poesie
- ↑ Le tunnel de Bête-Refaite, https://web.archive.org/web/20240728100317/https://biodiversite.wallonie.be/fr/6512-tunnel-de-la-bete-refaite.html?IDD=335544882&IDC=2831