Сума

Сума (ад лац. summa — вынік, агульная колькасьць) — вынік апэрацыі складаньня.

Напрыклад, у выразе

4 + 5 = 9

9 зьяўляецца сумай, а лікі 4 і 5 завуцца складнікамі.

Сума пазначаецца знакам + (плюс).

Для пазначэньня сумы элемэнтаў пасьлядоўнасьці выкарыстоўваецца сымбаль $\sum$, напрыклад

$\sum _{i=1}^{N}a_{i}=a_{1}+a_{2}+\ldots a_{N}$.

Калі пасьлядоўнасьць бясконцая, то такая сума завецца лікавым шэрагам і пазначаецца

$\sum _{i=1}^{\infty }a_{i}$.

У альгебраічны выраз могуць уваходзіць элемэнты, знакі якіх ня вызначаныя наперад. То бок для пэўных элемэнтаў выразу выконваецца апэрацыя складаньня, для іншых — адыманьня. Таму выраз агульнага выгляду, у які ўваходзяць апэрацыі складаньня і адыманьня завуць альгебраічнай сумай. Напрыклад,

$5-4=5+(-4)$

$a-b=a+(-b)$

Глядзіце таксама

• Складаньне
• Складнік