Навасельле (манэта)

Манэта «Навасельле», 20 рублёў, рэвэрс

Манэта «Навасельле», 20 рублёў, авэрс

Памятная манэта «Навасельле» — беларускія юбілейныя манэты Нацыянальнага банку Беларусі ўведзеныя ў абарачэньне 24 чэрвеня 2008 году. Манэты выбіты са срэбра — наміналам 20 рублёў і медна-нікеля — 1 рубель.

Манэтаю ўваходзіць у сэрыю Сямейныя традыцыі славян.

Наміналы

Срэбраная

• проба срэбра: 925
• намінал: 20 рублёў
• вага манэты: 33.63 г
• вага чыстага срэбра: 31.1 г
• дыямэтар: 38.61 мм
• манэта аксыдаваная з устаўкаю (сынтэтычны крышталь)
• якасьць: «дыямэнт-анцыркулэйтэд» з выкарыстаньнем тампадруку
• наклад: да 25000 асобнікаў
• кошт продажу ў НББ — 84 330 руб. бяз футляру, 90 890 з футлярам

Медна-нікелевая

• намінал: 1 рубель
• вага манэты: 13.16 г
• дыямэтар: 32 мм
• якасьць: «дыямэнт-анцыркулэйтэд»
• наклад: 5000 асобнікаў
• кошт продажу ў НББ — 14 460 руб. бяз футляру

Апісаньне

Манэта мае выгляд круга, рант манэты мае рыфленьне.

• Авэрс: згары — выява дзяржаўнага гербу Беларусі, у цэнтры — выява ката, які стаіць на кампазыцыі з паўкола, што ўтрымлівае ў сабе сымбалі сонца, агню «Жыжаля» і хатняга вогнішча; долу зьмешчаны год біцьця, для срэбра — чыстая вага каштоўнага мэталю і проба; па колу — надпісы: з гары — «РЭСПУБЛІКА БЕЛАРУСЬ», долу — «ДВАЦЦАЦЬ РУБЛЁЎ» на срэбранай і «АД3ІН РУБЕЛЬ» — на медна-нікелевай.
• Рэвэрс: сымбаль хаты ў выглядзе фрагмэнту сьцяны з акном, ў якім як сымбаль адкрыцьця хаты замкампанаваны ключ. Расчыненыя стаўні і фіранкі кажуць пра гасьціннасьць; долу па-колу надпіс: «НАВАСЕЛЛЕ».

Дызайн

• Сьвятлана Някрасава

Мынца

• АТ «Мынца Польская» (Варшава).

Крыніцы

• Нацыянальны банк Рэспублікі Беларусі