Мджар (Гоца)

	Мджар
Краіна:	Мальта
Геаграфічныя каардынаты:	36°1′33″ пн. ш. 14°17′43″ у. д. / 36.02583° пн. ш. 14.29528° у. д.Каардынаты: 36°1′33″ пн. ш. 14°17′43″ у. д. / 36.02583° пн. ш. 14.29528° у. д.
	Мджар на мапе Мальты Мджар
	Галерэя здымкаў у Вікісховішчы

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мджар.

Мджар^[1] (па-мальтыйску: Mġarr) — партовы горад на паўднёвым усходзе востраву Гоца, Мальта.

Геаграфія[рэдагаваць | рэдагаваць крыніцу]

Мджар — самы вялікі рыбацкі населены пункт на Гоца. Апроч паромнага тэрміналу, у горадзе таксама знаходзіцца прыстань для яхт. Над горадам узвышаецца форт Шамбрэ, пабудаваны ў 1749 годзе рыцарамі Ордэну Сьвятога Іаана. Мджар зьвязаны паромам з гаваньню Чыркева і востравам Коміна. Аўтобусы ходзяць да гарадоў Вікторыя і Марсалфорн.

Гісторыя[рэдагаваць | рэдагаваць крыніцу]

Горад Мджар вырас вакол аднайменнай плыткай гавані. Рэгулярна дзеючая пераправа на Мальту ўпершыню згадваецца ў 1241 годзе, да таго часу на востраве ўжо было добра разьвіта рыбалоўства. Хоць прыбярэжная тэрыторыя разьвівалася на працягу некалькіх стагодзьдзяў, сама гавань да 1841 году не разьвівалася наогул. У 1841 годзе для абароны порта быў пабудаваны першы хвалярэз, які пасьля ўмацоўваўся і пашыраўся да 1906 году. У 1929-1935 гадах быў пабудаваны найбуйнейшы хвалярэз, а ў 1969 годзе яшчэ два. Пасьля завяршэньня гэтага будаўніцтва плошча порту павялічылася да 121,4 тыс.кв. мэтраў^[2].

У пачатку XXI стагодзьдзя на востраве быў пабудаваны паромны тэрмінал коштам 9,3 млн эўра. Будаўнічыя работы пачаліся ў 2001 годзе і занялі сем гадоў, тэрмінал адкрылі ў лютым 2008 году. Пасьля заканчэньня пабудовы тэрміналу гавань стала зьмяшчаць каля 600 пасажыраў і 200 аўтамабіляў^[3]. Дызайн новай гавані быў зьменены ў працэсе будаўніцтва, каб паменшыць яе візуальнае ўзьдзеяньне на навакольны краявід^[4].

Крыніцы[рэдагаваць | рэдагаваць крыніцу]

^ Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2000. — Т. 10: Малайзія — Мугаджары. — 544 с. — ISBN 985-11-0169-9 — мапа Мальты
^ Mgarr Harbour Архіўная копія ад 24.01.2013 г.
^ New Gozo ferry terminal inaugurated at Mgarr. Maltamedia.com. Праверана 2015-04-30 г. Архіўная копія ад 2012-03-14 г.
^ MEPA approves Mgarr terminal development. Maltamedia.com (2005-05-13). Праверана 2015-04-30 г. Архіўная копія ад 2012-03-14 г.

[1] Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2000. — Т. 10: Малайзія — Мугаджары. — 544 с. — ISBN 985-11-0169-9 — мапа Мальты

[History-2] Mgarr Harbour Архіўная копія ад 24.01.2013 г.

[3] New Gozo ferry terminal inaugurated at Mgarr. Maltamedia.com. Праверана 2015-04-30 г. Архіўная копія ад 2012-03-14 г.

[4] MEPA approves Mgarr terminal development. Maltamedia.com (2005-05-13). Праверана 2015-04-30 г. Архіўная копія ад 2012-03-14 г.

[1]

[2]

[3]

[4]