Масьленіца (манэта)

Манэта «Масьленіца», 20 рублёў, рэвэрс

Манэта «Масьленіца», 20 рублёў, авэрс

Памятная манэта «Масьленіца» — беларускія юбілейныя манэты Нацыянальнага банку Беларусі ўведзеныя ў абарачэньне 8 лютага 2007 году. Манэты выбіта са срэбра — наміналам 20 рублёў і медна-нікелевая — 1 рубель.

Гэта манэта заняла Першае месца ў міжнародным конкурсе «Манэта году — 2009» у намінацыі «Лепшая каралеўская манэта».

Манэтаю ўваходзіць у сэрыю Сьвяты і абрады беларусаў.

Наміналы

Срэбраная

• проба срэбра: 925
• намінал: 20 рублёў
• вага манэты: 33.62 г
• вага чыстага срэбра: 31.1 г
• дыямэтар: 38.61 мм
• манэта аксыдаваная з устаўкаю (сынтэтычны крышталь)
• якасьць: «анцыркулэйтэд»
• наклад: 5000 асобнікаў
• кошт продажу ў НББ — 62 830 руб. бяз футляру

Медна-нікелевая

• намінал: 1 рубель
• вага манэты: 16 г
• дыямэтар: 33 мм
• якасьць: «анцыркулэйтэд»
• наклад: 5000 асобнікаў
• кошт продажу ў НББ — 8 430 руб. бяз футляру

Апісаньне

Манэта мае выгляд круга, рант манэты мае рыфленьне.

• Авэрс: у коле, з геамэтрычным арнамэнтам, — выява дзяржаўнага гербу Беларусі, у цэнтры — саляны знак з васьміканцовай геамэтрычнай фігуры з элемэнтамі дэкору, што сымбалізуе сонечныя промні; долу зьмешчаны год біцьця, для срэбра — чыстая вага каштоўнага мэталю і проба; па колу — надпісы: з гары — «РЭСПУБЛІКА БЕЛАРУСЬ», долу — «ДВАЦЦАЦЬ РУБЛЁЎ» на срэбранай і «АД3ІН РУБЕЛЬ» — на медна-нікелевай.
• Рэвэрс: па цэнтру — выява атрыбут Масьленіцы — бліны, пад імі гліняны збанок са сьмятанаю і драўлянай лыжкаю; з гары — выява сонца і сьняжынак, як сымбаль сустрэчы зімы і вясны (на срэбранай манэце ў сярэдзіне сонца зьмешчаны сынтэтычны крышталь жоўтага колеру); зьлева і справа — элемэнты беларускага арнамэнту; долу па колу надпіс: «МАСЛЕНІЦА».

Дызайн

• Сьвятлана Заськевіч

Мынца

• ЗАТ «Летувіская мынца», Вільня.

Літаратура

• Нацыянальны банк Рэспублікі Беларусі