Марыя Шканава

	Марыя Шканава
Пэрсанальная інфармацыя
Нарадзілася	18 кастрычніка 1989; Ленінград
Грамадзянства	РСФСР
Рост	176
Вага	66
Прафэсійная інфармацыя
Спэцыялізацыя	Гарналыжны спорт

Марыя Шканава (нар. 18 кастрычніка 1989 году, Ленінград) — беларуская гарналыжніца. Удзельніца некалькіх Зімовых Алімпійскіх гульняў.

Жыцьцяпіс[рэдагаваць | рэдагаваць крыніцу]

Займацца горнымі лыжамі пачала ў 1998 годзе ў Расеі ў горадзе Магнітагорск. На спаборніцтвах пад эгідай ФІС Марыя пачала выступаць у канцы 2004 году. Доўгі час выступала толькі на міжнародных і нацыянальных спаборніцтвах, якія праходзілі ў Расеі. З сэзону 2006/2007 Марыя стала выступаць на міжнародных стартах у гонках FIS, Сіцізэн і нацыянальных чэмпіянатах, пры гэтым часта трапляла ў дзясятку наймацнейшых. З 2008 году Марыя Шканава зьмяніла грамадзянства і стала выступаць за Беларусь.

У 2010 годзе Марыя Шканава дэбютавала на зімовых Алімпійскіх гульнях у Ванкувэры. У супэргіганце заняла 33-е месца, у слаламе стала 38-й, а ў гіганцкім слаламе 40-й. У 2011 годзе Шканава выступіла на чэмпіянаце сьвету. Найлепшым вынікам на сусьветным першынстве для Марыі стала 29-е месца ў супэргіганце. На этапах Кубка сьвету Шканава ўпершыню выступіла 3 студзеня 2012 году ў сталіцы Харватыі Заграбе, але не змагла фінішаваць у слаламе. У гэтым жа сэзоне беларуская гарналыжніца пачала выступаць і ў Кубку Эўропы. У 2013 годзе Марыя прыняла ўдзел у зімовай Унівэрсіядзе, дзе па суме ачкоў ва ўсіх дысцыплінах заняла трэцяе месца.

У 2014 годзе ў другі раз выступіла на зімовых Алімпійскіх гульнях. У слаламе стала 29-й, а ў гіганцкім слаламе заняла 44-е месца. Таксама Марыя выступілі ў супэргіганце, але ня здолела завяршыць гонку.

Уключана ў беларускую зборную на Зімовых Алімпійскіх гульнях 2018 году.