Малюнак

Зьвесткі зь Вікіпэдыі — вольнай энцыкляпэдыі

Малю́нак – выява выкананая на плоскай паверхні з дапамогай графічных матэрыялаў.

Матэрыяламі, якія выкарыстоўваюцца для стварэньня малюнка могуць зьяўляцца любыя матэрыялы, якія застаўляе графічны сьлед на плоскай паверхні. Самымі папулярнымі матэрыяламі зьяўляюцца аловак, вугаль, туш, чарніла, крэйда і г.д.

Тэхніка малюнка, звычайна, мае назву ў залежнасьці ад матэрыялу, які выкарыстоўваецца ў стварэньні малюнка.

Малюнак можа выконвацца як самастойна, так і для дапамогі ў стварэньні жывапісных, графічных, скульптурных працаў ці архітэктурных праектаў. Малюнкі, якія выкарыстоўваюцца для стварэньня вялікіх мастацкіх працаў, могуць мець уласную мастацкую каштоўнасьць.

Малюнак выкарыстоўваецца ў якасьці тэхнічнай базы для стварэньня буйных мастацкіх працаў, з-за чаго вывучаецца мастакамі, скульптарамі і архітэктарамі (існуе нават адукацыйны курс «акадэмічнага малюнка»). Малюнкі ствараюцца мастакамі пад час вывучэньня натуры, пад час пошуку кампазыцыйных рашэньняў графічных, жывапісных і скульптурных твораў (эскізы), пад час разьметкі карціны (падрыхтоўчы малюнак для жывапісу).

Малюнак, як самастойны твор, утварае ў эўрапейскім мастацтве асобны від графікі.