Куала Лумпур
| Куала Лумпур | |||||
| Населены пункт | |||||
 | |||||
| |||||
| Дэвіз | Progress and Prosper і Maju dan Makmur | ||||
|---|---|---|---|---|---|
| Краіна | Малайзія | ||||
| Акруга | Куала Лумпур | ||||
| Першыя згадкі | 1851 | ||||
| Дата заснаваньня | 1857 | ||||
| Кіраўніцтва і ўлада | |||||
| Мэр | Датук Абдул Хакім | ||||
| Геаграфія | |||||
| Плошча | 243,65 км² | ||||
| Вышыня НУМ | 66 м і 50 м[1] | ||||
| Часавы пас | |||||
| Каардынаты | 3°08′ пн. ш. 101°42′ з. д.HGЯO | ||||
| Насельніцтва | |||||
| Колькасьць | 1 809 699 чал. (2009) | ||||
| Этнахаронімы | KL-ite, Kuala-Lumpurano, Kaélois[2] і Kaéloise[2] | ||||
| Лічбавыя ідэнтыфікатары | |||||
| Тэлефонны код | 03 | ||||
| Паштовы індэкс | 50000–59999 | ||||
| Сайт | kualalumpur.gov.my | ||||
| Куала Лумпур на мапе Малайзіі   Куала Лумпур | |||||
Куа́ла Лумпу́р (па-малайску: балотнае вусьце) — сталіца Малайзіі і самы вялікі горад краіны, разьмешчаны ў цэнтральнай частцы Малацкага паўвострава. Куала Лумпур утварае спэцыяльную аднайменную акругу, якая з усіх бакоў акружана штатам Селандор. Насельніцтва 1 479 388 чалавек, разам з прыгарадамі 4 200 000 чалавек. Плошча гораду 243,65 км².
Гісторыя
[рэдагаваць | рэдагаваць код]Каляніяльны пэрыяд
[рэдагаваць | рэдагаваць код]У 1857 годзе раджа Абдула з роду ўладароў каралеўства Селангор дазволіў сяліцца ў даліне Кланг. У вусьцях рэк Гамбак і Келанг пасяліліся 87 кітайскіх працоўных з алавяных капальняў. Нягледзячы на тое, што 69 зь іх памерла з-за хваробаў і складанага жыцьця, паселішча захавалася. Хутка тут зьявіліся гандляры, якія мянялі ежу і адзеньне на волава. Адчыніліся першыя крамы і пачалі праводзіцца штотыднёвыя кірмашы.
Разам з разьвіцьцём паселішча брытанцы прыслалі паліцыянтаў, якія павінны былі пільнаваць грамадзкі спакой. Першым капітанам паліцыянтаў быў Хіў Сіеў. Паселішча хутка стала самым вялікім у Селангоры і адным з асноўных гарадоў Малайзіі, дзе вялася здабыча волава. Наступны капітан, Яп, спрыяў зьяўленьню паблізу гораду фэрмэраў, для забесьпячэньня бесьперапыннай крыніцы ежы. У 1881 годзе вялікі пажар амаль зьнішчыў горад. Пад час адбудовы цяпер ужывалася амаль толькі цэгла, для зьмяншэньня пагрозы паўторнага пажару. Капітан Яп адчыніў першую ў Малайзіі публічную школу і начлежку для бяздомных. Хутка пасьля гэтага былі дадзены дазволы на пабудову першых казыно і бараў, у якіх прадавалі алькаголь. У 1882 годзе сэр Фрэнк Швэтэнхам зрабіў Куала Лумпур цэнтрам брытанскай улады ў Малайзіі.
Пад час Другой Сусьветнай вайны з 11 студзеня 1942 году на працягу 44 месяцаў горад быў акупаваны японцамі.
Незалежнасьць Малайзіі
[рэдагаваць | рэдагаваць код]Калі ў 1957 годзе Малайская фэдэрацыя абвясьціла незалежнасьць, горад атрымаў статус сталіцы. Ён быў пацьверджаны ў 1963 годзе, калі краіна зьмяніла назву на Фэдэрацыя Малайзія.
У 1974 годзе горад быў выключаны са штату Селангор і ўтварыў асобную акругу «Куала Лумпур».
Сучаснасьць
[рэдагаваць | рэдагаваць код]
Сучасны Куала Лумпур адзін з самых хутка разьвіваючыхся гарадоў Паўднёва-Ўсходняй Азіі, з эканамічным прыростам болей за 10% у год. У цэнтральнай частцы гораду ўзвышаюцца сучасныя хмарачосы. Але горад сутыкнуўся са значнымі транспартнымі праблемамі, і нягледзячы на пабудову некалькіх хуткасных дарог, дарожны рух амаль спаралізаваны пробкамі. Грамадзкі транспарт таксама разьвіты недастаткова.
Горад пабудаваны без архітэктарскага аналізу. Каля цэнтральнай часткі гораду з аўтастрадамі і хмарачосамі, знаходзяцца кварталы заселеныя кітайцамі зь іх традыцыйнымі дамамі і вузкімі вуліцамі.