Крывая (прыток Друці)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Рака
Крывая
Выток каля в. Раманаўкі
Вусьце Друць
Краіны басэйну Беларусь
Даўжыня 46 км
Сярэднегадавы сьцёк 3,8 м³/с
Плошча басэйну 242 км²
Нахіл воднай паверхні 0,8 ‰

Крыва́я, Хвашчо́ўка — рака ў Беларусі, левы прыток ракі Друці (басэйн Дняпра). Цячэ ў Талачынскім раёне Віцебскай вобласьці. Даўжыня 46 км. Плошча вадазбору 242 км². Выдатак вады ў вусьці 3,8 м³/с. Сярэдні нахіл воднай паверхні 0,8‰.

Асноўны прыток — рака Іржэўка

Агульныя зьвесткі[рэдагаваць | рэдагаваць крыніцу]

Пачынаецца на паўночнай ускраіне вёскі Раманаўкі Талачынскага раёну, вусьце ў межах вёскі Казабродзьдзя Круглянскага раёну. Цячэ Аршанскім узвышшам.

Даліна на вялікім працягу добра распрацаваная, трапэцападобная, шырынёй 0,6—1 км, у вярхоўі невыразвая. Абалона вузкая, лугавая, шырынёй 0,2—0,5 км, чаргуецца па берагах, месцамі адсутнічае. Рэчышча каналізаванае на працягу 2,5 км уніз па плыні ад моста на аўтамабільнай дарозе Менск — Масква каля вёскі Забалацьця, на астатнім працягу зьвілістае. Берагі стромкія, месцамі абрывістыя, вышынёй 0,5—1 м.

Шырыня ракі ў межань 5—8 м, у ніжняй плыні да 10 м. Рака прымае сьцёк зь сеткі мэліярацыйных каналаў[1].

Крыніцы[рэдагаваць | рэдагаваць крыніцу]

  1. ^ Блакітная кніга Беларусі. Энцыкл. — Менск, 1994. С. 207

Літаратура[рэдагаваць | рэдагаваць крыніцу]

  • Блакітная кніга Беларусі: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Менск: БелЭн, 1994. — 415 с. ISBN 5-85700-133-1. С. 207