Код адсутнасьці

Код адсутнасьці
Вокладка кнігі ў 2007 годзе
Аўтар:	Валянцін Акудовіч
Мова арыгіналу:	беларуская
Публікацыя:	2007
Электронная вэрсія

«Код адсутнасьці. Асновы беларускай мэнтальнасьці» — кніга беларускага філёзафа Валянціна Акудовіча, выдадзеная ў 2007 годзе. Кніга паўстала з цыклю лекцыяў у Беларускім Калегіюме аб беларускай мэнтальнасьці. Кніга была перакладзена на расейскую і нямецкія мовы.

Праблема

Пасьля віхураў 20 стагодзьдзя, напрыканцы Беларусь стала незалежнай. Аднак усе мары і надзеі беларускага адраджэньня пачатку дзевяностых гадоў мінулага стагодзьдзя апынуліся марнымі аўтар прапануе свае адказы на пытаньне чаму так сталася. Чаму дэмакратычныя і незалежніцкія памкненьні не былі ўспрынятыя большасьцю беларускага грамадзтва? Чаму зьнішчаецца мова і культура беларусаў — на гэтыя ды іншыя пытаньне адказ знойдзеце ў гэтым выданьні. Аўтар у пачатках паўстаньня беларускай нацыі шукае тыя ключавыя моманты, што паўплывалі на фармаваньне беларускай мэнтальнасьці ў сучасным выглядзе. Аўтарскія адказы на пытаньні беларускай мэнтальнасьці не прэтэндуюць на ісьціну апошняй інстанцыі, але даюць глебу да разважаньняў і дыскусіі наконт беларускай нацыі.

Зьмест

• І. АСНОВЫ БЕЛАРУСКАЙ МЭНТАЛЬНАСЬЦІ
• Зачын

1. Гістарычнае і нацыянальнае
2. Рэлігійнае і нацыянальнае
3. Уласна нацыянальнае
4. Рэфлексія з нагоды
5. Праблема ўласных межаў
6. Межы айчыны і мовы
7. Расейская імпэрыя — калыска беларускай нацыі
8. Паўстаньне аўтсайдэраў
9. Пакліканьне прасторы
10. Дзяржава і нацыя
11. Другая сусьветная вайна
12. Урбанізацыя
13. Рэванш нацыяналізму
14. Расея і мы
15. Францішак Багушэвіч і Адам Міцкевіч
16. Мы і Расея
17. Гісторыя эмацыйнага
18. Воля да ўлады
19. Ідэя Адраджэньня
20. Мова (Знак бяды)
21. Героі адсутнасьці
22. Беларусь як прастора сакральнага
23. Вялікая здрада
24. Ідэалёгія і тэхналёгія
25. Наастачу

• ІІ. ДАДАТАК
• Гульня ў віртуальную дзяржаву
  • Прэамбула
  • Ёхан Хёйзінга і мроі пра віртуальную дзяржаву
  • Этычны імпэратыў на скразьняках прагматыкі
  • Жыцьцё і сьмерць у дыскеце з Айчынай
  • Доўгая, вельмі доўгая паўза
• Асоба і гісторыя
• Улада і мова
• ІІІ. ЛІРЫЧНЫ (МЭТАФІЗЫЧНЫ) ЭПІЛЁГ

Узнагароды

У 2007 годзе за гэтую кнігу Акудовіч атрымаў літаратурную прэмію «Гліняны Вялес».

Вонкавыя спасылкі

• Код Адсутнасьці на kamunikat.org