Княжыч (гісторыка-культурніцкі клюб)

Лягатып

Гісторыка-культурніцкі клюб «Княжыч» (назва азначае падзьвінскае найменьне маладога месяца княжыч, які расьце) узьнік з ініцыятывы моладзі і выкладчыкаў Полацкага дзяржаўнага ўнівэрсытэту ўвосень 1995 году.

Кірункі дзейнасьці

«Княжыч» калядуе

Гісторыка-культурніцкі клюб «Княжыч» займаецца вывучэньнем аўтэнтычнага фальклёру, праводзіць досьледы ў адзначанай галіне, а таксама займаецца рэканструкцыяй пэўных абрадаў (Каляды, Гуканьне вясны, Купальле і іншыя). Творчая дзейнасьць гурта пачалася ў 1996 годзе. Асноўным кірункам дзейнасьці былі этнаграфічныя дасьледаваньні, вывучэньне і рэканструкцыя абрадавага цыклю беларусаў Паазер’я (песьні, сьвяты, абрады, сэмантыка). У лістападзе 2005 году гурт атрымаў найменьне «народны».

Дзейнасьць у абазначаным кірунку вядзецца наступным чынам:

• Штогод ладзяцца каляндарныя сьвяты (Каляды, Жаніцьба Цярэшкі, Гуканьне вясны, Купальле);

«Княжыч» на фэсьце

• «Княжыч» прымае ўдзел у разнастайных фэстах сярэднявечнай культуры.

Статут

Ніжэй прыведзены асноўныя рысы з Статута клюбу.

Місія Клюбу

Адраджэньне традыцыйнай культуры Паазер’я шляхам вывучэньня і папулярызацыі яе ў маладзёвым асяродку Полаччыны праз правядзеньне культурніцкіх і асьветніцкіх мерапрыемстваў.

Мэты дзейнасьці клюбу

• Вывучэньне гісторыі Паазер’я і правядзеньне навуковых досьледаў у адзначанай галіне;
• Вывучэньне, захаваньне й разьвіцьцё этнічнага, культурнага і прыроднага патэнцыялу Паазер’я;
• Пашырэньне навуковых досьледаў і прапаганды этна-культурнай спадчыны Паазер’я;
• Абарона і захаваньне традыцыйнага прыроднага, гісторыка-культурнага ляндшафтаў;
• Спрыяць пашырэньню сфэры ўжытку беларускай мовы і ўмацаваньню ейных прыярытэтаў;
• Вывучэньне палітычных, культурных, экалягічных, дэмаграфічных рэаліяў сучаснасьці, як непасрэдных умоваў існаваньня беларускага этнасу;
• Разьвіцьцё традыцыйных беларускіх рамёстваў.

Задачы клюбу

• Аб’яднаньне намаганьняў фізычных і юрыдычных асобаў для распрацоўкі праграмаў і праектаў скіраваных на выкананьне мэтаў і задачаў клюбу;
• Супрацоўніцтва з прадстаўнікамі навукі, культуры, адукацыі й бізнэсу, скіраванае на дасягненьне мэтаў клюбу;
• Супрацоўніцтва з прадпрыемствамі, арганізацыямі і аб’яднаньнямі, у тым ліку замежнымі, скіраванае на рэалізацыю мэтаў і задачаў клюбу;
• Арганізацыя і правядзеньне навуковых, асьветніцкіх, культурніцкіх, мастацкіх і інш., акцыяў(напрыклад: экспэдыцыі, выставы, канфэрэнцыі), якія адпавядаюць дзейнасьці клюбу;
• Стварэньне творчых і навуковых лябараторыяў, майстэрняў, студыяў, сэкцыяў і інш., арганізацыйных адзінак;
• Забесьпячэньне зацікаўленых арганізацыяў(бібліятэкаў, архіваў, СМІ і інш.) інфармацыяй, друкаванымі выданьнямі, аўдыё-, відэа-, кіна-, фотаматэрыяламі на ўмовах, якія задавальняюць інтарэсы клюбу;
• Прапаганда мэтаў і задачаў клюбу праз інфармаваньне грамадзкасьці з выкарыстаньнем для гэтага СМІ, а таксама сваіх уласных выданьняў.

Прынцыпы дзейнасьці клюбу

• Добраахвотнасьць;
• Самастойнасьць;
• Калегіяльнасьць;
• Галоснасьць.

Вонкавыя спасылкі

• Гісторыка-культурніцкі клюб «Княжыч»
• «Княжыч» сьвяткуе Купальле (ximik.info)(недаступная спасылка)
• «Княжыч» на гуканьні вясны (makasin.info)
• Фота з Купальля «Княжыча» 2009 году