Вячаслаў Дубінка

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Вячаслаў Дубінка
Асабістыя зьвесткі
Нарадзіўся 17 сьнежня 1941(1941-12-17) або 1942
Слуцак, Менская вобласьць, БССР, СССР
Памёр 10 жніўня 2010(2010-08-10)
Літаратурная дзейнасьць
Род дзейнасьці пісьменьнік і фатограф
Гады творчасьці 19612010
Мова беларуская мова

Вячаслаў Дубінка (17 сьнежня 1941, Слуцк — 10 жніўня 2010[1]) - беларускі пісьменьнік, фатограф, журналіст, мастак, клясык беларускай выцінанкі.

Жыцьцяпіс[рэдагаваць | рэдагаваць крыніцу]

Скончыў Чарнавіцкі тэхнікум чыгуначнага транспарту ў 1961 годзе. Працаваў брыгадзірам комплекснай брыгады, прарабам, начальнікам будаўнічага ўчастку ў Слуцку (1961-1964), фотакарэспандэнтам раённых газэт «Будаўнік камунізма» (Любань, 1964-1965), «Шахцёр» (Салігорск, 1965-1966), рэспубліканскіх газэт «Звязда» (1966-1971), «Чырвоная змена» (1972-1974), у студыі «Фота і жыцьцё» Саюзу журналістаў Беларусі (1974-1976), фатографам рэстаўрацыйнай майстэрні Міністэрства культуры БССР (1979-1981).

З 1981 году - у часопісе «Беларусь». Уваходзіў у склад трох творчых аб'яднаньняў Беларусі - саюзы мастакоў, пісьменьнікаў, журналістаў.

Творчасьць[рэдагаваць | рэдагаваць крыніцу]

Аўтар фотанарысаў, фотаальбомаў «Бабруйск» (1967), «Нясьвіж» (1968), «Магілёў» (1971), «Брэст» (1979) і інш. Выйшлі кнігі публіцыстыкі, прозы «Паплач ля роднае крынічкі» (1981), «Не плач, душа мая» (1983), «Ой, зялёны дубочак» (1983), «Браты сьвятой ночы» (1986), «Разьвітальная песьня» (1989), «Сындыкат Мані Дулі» (1992), «Карацелькі» (2010), «Спецдаручэнец "Кныр"» (2016).

Узнагароды[рэдагаваць | рэдагаваць крыніцу]

  • За афармленьне кнігі Артура Вольскага “Жывыя літары” (1984) узнагароджаны дыплёмам Францыска Скарыны.
  • Пераможца творчага конкурсу на лепшую публікацыю часопіс «Беларусь» (1987)
  • Прызёр выставы «Выцінанкі ўсяго сьвету», Вільня (1989)

Крыніцы[рэдагаваць | рэдагаваць крыніцу]

  1. ^ Памёр Вячаслаў Дубінка, Наша Ніва, 11.08.2010

Вонкавыя спасылкі[рэдагаваць | рэдагаваць крыніцу]