Асабовае імя

Асабовае імя — сацыялінгвістычная адзінка, кляса ўласных імёнаў, адзін з галоўных пэрсанальных моўных ідэнтыфікатараў чалавека; гэта імя, дадзенае чалавеку пры нараджэньні альбо хрышчэньні.

Апісаньне

У большасьці заходніх краінаў імя ідзе ўперадзе прозьвішча. Тым ня менш, у многіх краінах Усходу, такіх як Японія й Кітай, яно ідзе пасьля прозьвішча, а часам і ў Эўропе, напрыклад, ва ўсходне-славянскіх мовах, у тым ліку й на Беларусі.

Ад асабістага імя бацькі ўтвараецца імя па бацьку.

Пры афіцыйным афармленьні да асабістага імя дадаецца імя па бацьку ці іншае сярэдняе імя (калі ёсьць) і прозьвішча.

Звычайна мужчынскія й жаночыя імёны адрозьніваюцца, але многія зь іх маюць 2 формы, напрыклад, Аляксандр/Аляксандра, Юлій/Юлія.

Некаторые бацькі вельмі стараюцца прыдумаць як мага арыгінальнейшае імя для свайго немаўляці, напрыклад, адна швэдзкая пара хацела назваць сваю дачку Brfxxccxxmnpcccclllmmnprxvclmnckssqlbb11116.

Паходжаньне імёнаў

Вядомы імёны, якія паходзяць з самых розных моў:

• Грэцкія імёны: Агнес, Алесандра, Галіна, Джэйсан, Маргарыта, Мікалай, Сьцівен, Анжэла, Барбара, Джордж, Дораці, Дорыс, Дэбара, Меліса, Ніколь, Крыстафер, Хелен, Эндру
• Яўрэйскія імёны: Джоан, Джэйкаб, Джэсіка, Міхаіл, Марыя, Ханна, Ёсіф, Джошуа, Давід, Дэніел, Захары, Кайла, Мацьвей, Рут, Сара, Сьюзен
• Маскальскія імёны: Сьвятлана
• Валійскія імёны: Джэніфер, Морган
• Ірляндзкія імёны: Браян
• Эгіпецкія імёны: Кацярына
• Лацінскія імёны: Аманда, Вірджынія, Марк, Осьцін, Патрысія, Флорэнс, Эмілі, Аліна
• Францускія імёны: Брытані, Эймі
• Ангельскія імёны: Брэндан, Кімберлі, Мэдзісан, Мілдрэд, Тайлер, Тэйлар, Хэйлі, Хізэр, Шырлі, Эдвард, Эшлі
• Нямецкія імёны: Джэфры, Роберт, Рычард, Уільям, Уолтэр, Фрэнсес, Фрэнк, Рагнгільда
• Шатляндзкія імёны: Дональд
• Італьянскія імёны: Дона
• Гішпанскія імёны: Лінда
• Скандынаўскія імёны: Рональд
• Амэрыканскія імёны: Саманта
• Арамейскія імёны: Томас

і іншыя

Глядзіце таксама

• Імёны ліцьвінаў