Алімпійскі агонь
Алімпійскі агонь — адзін з сымбаляў Алімпійскіх гульняў. Гэты агонь запальваюць у горадзе правядзеньня Гульняў падчас іх адкрыцьця і ён гарыць бесьперапынна да іх заканчэньня.
Гісторыя[рэдагаваць | рэдагаваць крыніцу]
Традыцыя запальваць Алімпійскі агонь існавала ў Старажытнай Грэцыі падчас правядзеньня антычных Алімпійскіх гульняў. Алімпійскі агонь служыў згадкай пра подзьвіг Прамэтэя, што па легендзе выкраў агонь у Зэўса й падараваў яго людзям.
Адраджэньне заснаванай на старажытнагрэцкіх рытуалах традыцыі адбылося пры правядзеньні Алімпійскіх гульняў 1928 году ў Амстэрдаме.