Алесь Гібок-Гібкоўскі

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Алесь Гібок-Гібкоўскі
Асабістыя зьвесткі
Нарадзіўся 1 лютага 1952(1952-02-01) (68 гадоў)
Рупейкі, Ваўкавыскі сельсавет, Ваўкавыскі раён, Гарадзенская вобласьць, БССР, СССР
Літаратурная дзейнасьць
Род дзейнасьці пісьменьнік

Аляксандар Гібкоўскі, пс. Алесь Гібок-Гібкоўскі (1 лютага 1952, в. Рупейкі Ваўкавыскі раён) — беларускі паэт, эсэіст, перакладчык, бард.

Жыцьцяпіс[рэдагаваць | рэдагаваць крыніцу]

Вучыўся ў Рупейскай, Ясенавіцкай і Ізабелінскай школах. У 1971 годзе закончыў Менскі машынабудаўнічы тэхнікум. Служыў тэрміновую вайсковую службу ў Савецкай Арміі з 1971 па 1973 гады. З 1974 па 1990 працаваў інжынэрам, канструктарам у шэрагу менскіх канструктарскіх бюро. У 1989 годзе паступіў на вячэрняе аддзяленьне філялягічнага факультэту Беларускага дзяржаўнага унівэрсытэту, які скончыў з адзнакай у 1995 годзе.

З 1990 году працаваў настаўнікам беларускай мовы і літаратуры ў школах Менску, а з 1993 году рэдактарам аддзелу літаратуры беларускага часопісу "Роднае слова".

З 1996 году па 2005 год — рэдактар аддзелу часопісу "Беларусь". З 1997 году па 1999 год адначасова працаваў у штотыднёвіку "Літаратура і мастацтва", дзе стаў ляўрэатам прэміі гэтага штотыднёвіка за 1997 год за лепшую публіцыстычную публікацыю. З 2005 году па 2007 год — рэдактар аддзелу ў часопісе "HORIZONS/ГОРИЗОНТЫ". Першыя творы былі апублікаваныя ў газэце "Чырвоная змена" ў 1991 годзе.

Ляўрэат прэміі "Залатое пяро" БСЖ, прэміі Фэдэрацыі прафсаюзаў Беларусі.

Сябра Саюзу беларускіх пісьменьнікаў з 2008 году.

Творчасьць[рэдагаваць | рэдагаваць крыніцу]

  • "Насамрэч" (2007),
  • "Дакрануцца да неба",
  • "Навучыцца любіць",
  • кніга казак "Дом каля возера" (2018).
  • пераклад на беларускую мову кнігу Дж. Радары "Прыгоды Чыпаліны" (2010).

Вонкавыя спасылкі[рэдагаваць | рэдагаваць крыніцу]