Алег Рыжанкоў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Алег Рыжанкоў Біятлён
Агульная інфармацыя
Поўнае імя Алег Уладзімеравіч Рыжанкоў
Дата нараджэньня 15 сьнежня 1967 (51 год)
Месца нараджэньня Найстэньярві, Карэльская АССР, РСФСР
Клюб Дынама
Рост/вага 174 см / 72 кг
Тытулы
Малы Кубак сьвету 1
Кубак сьвету
(у тым ліку Алімпійскія гульні)
Перамог 3
Подыюмаў 12
Подыюмаў у эстафэтах 21

Але́г Уладзі́меравіч Рыжанко́ў (нарадзіўся 15 сьнежня 1967 году, Найстэньярві, Карэльская АССР, РСФСР) — беларускі біятляніст, удзельнік 4 Алімпійскіх гульняў, сьцяганосец беларускай зборнай на Зімовых Алімпійскіх гульнях 2002 году ў Турыне. Заслужаны майстар спорту Рэспублікі Беларусь (1996). Уладальнік малага Кубку сьвету ў складзе эстафэтнай зборнай у сэзоне 2002/03, Чэмпіён сьвету ў эстафэце ў 1999 годзе.

Біяграфія[рэдагаваць | рэдагаваць крыніцу]

Пачаў займацца біятлёнам у 1985 годзе. Пачаў заняткі ў дзіцячай спартовай школе Верамейкі Чэрыкаўскага раёну Магілёўскай вобласьці[1]. Чалец беларускай нацыянальнай зборнай па біятлёне з 1993 году. Дэбют у Кубку сьвету адбыўся ў 1992 годзе ў Паклюцы, дзе ў індывідуальнай гонцы ён заняў 20 месца. Першы раз патрапіў на подыюм у тым жа месьце, у спрынтэрскай гонцы, дзе ён здабыў бронзавы мэдаль[2]. Першая перамога здабытая ў 1995 годзе ў спрынтэрскай гонцы ў Рупольдынгу[2].

Лепшымі вынікамі на Алімпійскіх гульнях было 4 месца ў эстафэце ў Лілегамэры ў 1994 годзе і Нагана ў 1998 годзе.

Заявіў пра заканчэньне кар’еры пасьля эстафэтнай гонкі на Алімпійскіх гульнях ў Турыне (2006), дзе беларуская зборная заняла 11 месца. Скончыў кар’еру ў 2006 годзе, перайшоўшы на пасаду трэнэра моладзевай зборнай Беларусі па біятлёне[3].

Дасягненьні[рэдагаваць | рэдагаваць крыніцу]

  • Чэмпіянаты сьвету:
    • Залаты мэдаль, эстафэта — 1999
    • Срэбны мэдаль, індывідуальная гонка — 1997
    • Срэбны мэдаль, эстафэта — 2001
    • Бронзавы мэдаль, індывідуальная гонка — 1995
    • Бронзавы мэдаль, эстафэта — 1995
    • Бронзавы мэдаль, эстафэта — 1996
    • Бронзавы мэдаль, спрынт — 1997
    • Бронзавы мэдаль, эстафэта — 2003
  • 3 перамогі на этапах Кубку сьвету

Агульны залік Кубку сьвету[рэдагаваць | рэдагаваць крыніцу]

  • 1995—1996 — 30-е месца
  • 1997—1998 — 41-е месца
  • 1998—1999 — 14-е месца
  • 1999—2000 — 28-е месца
  • 2000—2001 — 20-е месца
  • 2001—2002 — 19-е месца
  • 2002—2003 — 8-е месца
  • 2003—2004 — 22-е месца
  • 2004—2005 — 25-е месца
  • 2005—2006 — 35-е месца

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]